सिंधुदुर्ग: भागात चक्रीवादळामुळे होणारे नुकसान टाळण्यासाठी केंद्र शासनाकडून ४६० कोटींचा आराखडा तयार करण्यात आला आहे. यामध्ये बहुउद्देशीय आश्रयस्थाने, ४७१ किलोमीटरचे भूमिगत केबलिंग व खारांचे बंधारे बांधण्याचे प्रस्तावित आहे. यामुळे भविष्यात कोकणात चक्रीवादळामुळे होणारे नुकसान टाळता येणार आहे. यासाठी सिंधुदुर्गसह रत्नागिरी, पालघर, ठाणे, रायगड या ५ जिल्ह्यांचा समावेश करण्यात आला आहे. ( For )

वाचा:

मागील काही महिन्यांत आलेल्या चक्रीवादळांमुळे व समुद्री उधाणांमुळे कोकणात मोठ्या प्रमाणावर नुकसान झाले होते. नागरिकांची घरे उद्ध्वस्त झाली होती. यात कोट्यवधी रुपयांचे नुकसानही झाले. धूप प्रतिबंधक बंधारे नसल्याने समुद्राचे पाणी घुसून शेतीचे नुकसान झाले. जमिनीची धूप झाली. याबाबत खासदार यांनी राज्याचे मुख्यमंत्री यांचे लक्ष वेधले होते. लोकसभेत वारंवार आवाज उठवला होता. कोकण किनारपट्टीवर होणाऱ्या नुकसानीसाठी विशेष तरतूद करून कायमस्वरूपी उपाययोजना राबविण्याची मागणी त्यांनी केली होती.

वाचा:

विनायक राऊत यांच्या पाठपुराव्याला यश आले असून सर्व बाबींचा विचार करून केंद्र शासनाकडून राष्ट्रीय चक्रीवादळ जोखीम शमन प्रकल्प (एनसीआरएमपी) तयार करण्यात आला आहे. याअंतर्गत केंद्र शासनाकडून ४६० कोटींचा आराखडा तयार करण्यात आला आहे. यामध्ये बहुउद्देशीय चक्रीवादळ आश्रयस्थाने, ४७१ किलोमीटरचे भूमिगत केबलिंग व खारांचे बंधारे बांधण्यात येणार आहेत. कोकणातील सिंधुदुर्ग, रत्नागिरी, पालघर, ठाणे आणि रायगड अशा पाच जिल्ह्यांसह ७०० कि.मी. किनारपट्टीसाठी हा प्रकल्प असणार आहे. यात केंद्र शासनाकडून ३६७.८ तर राज्य शासनाकडून ९१.७२ कोटींची तरतूद करण्यात येणार आहे.

आयपीडीएस योजनेंतर्गत यापूर्वी लगतच्या शहरी भागातील विद्युत विषयक कामे केली जात आहेत. परंतु, त्यासाठी निधी कमी पडत होता. मात्र या प्रकल्पामुळे किनारपट्टी लगतच्या ग्रामीण भागातील कामेदेखील करता येणार आहेत व त्यासाठी निधी अधिक प्रमाणात मिळणार आहे.

वाचा:

Ratnagiri News | रत्नागिरी बातमी | Ratnagiri News in Marathi | Ratnagiri Local News – Maharashtra Times

LEAVE A REPLY

Please enter your comment!
Please enter your name here