वाचा:
ट्रॉमा आयसीयूमध्ये एकूण १५ रुग्ण दाखल होते. आगीची घटना घडलेल्या कक्षात त्यापैकी चार रुग्ण होते. सेवेवर असलेले डॉक्टर्स, नर्सेस, वर्ग चारमधील कर्मचारी आणि महाराष्ट्र सुरक्षा बल यांचे सुरक्षा रक्षक यांनी प्रसंगावधान राखून करोनाची पर्वा न करता जीवाची बाजी लावून अगदी थोड्याच वेळात येथील सर्व १५ रुग्णांना अन्य कक्षामध्ये स्थलांतरित केले. या दरम्यान कोणत्याही रुग्णास कुठल्याही प्रकारची दुखापत किंवा जीवितहानी झाली नाही. ट्रॉमा आयसीयूमधील तीन कक्षांमध्ये एकूण १५ रुग्णांपैकी ९ रुग्ण हे एन.आय.व्ही. वर होते. उर्वरित रुग्णांना मास्कद्वारे ऑक्सिजन पुरविण्यात येत होता. रुग्णांना तिथून अन्यत्र हलवताना योग्य काळजी घेवून इतर आयसीयूमध्ये स्थलांतरित करण्यात आले असे डॉ. बडे यांनी नमूद केले.
वाचा:
स्थलांतरित केलेल्या रुग्णांना आयसीयूमध्ये योग्य उपचार तातडीने देण्यात आले. उपचार सुरू असतानाच काही काळानंतर जे रुग्ण अती गंभीर होते त्यापैकी तीन रुग्णांचा दुर्दैवी मृत्यू झाला. यामध्ये ट्रॉमा आयसीयूमधील घटना घडलेल्या कक्षातील एक व इतर कक्षातील दोन असा एकूण तीन अतिगंभीर रुग्णांचा समावेश आहे. हे रुग्ण दाखल झाल्यापासूनच अतिगंभीर होते व त्याबाबत संबंधित रुग्णांच्या नातेवाईकांना वेळोवेळी कल्पना देण्यात आली होती, असेही बडे यांनी स्पष्ट केले. मृत्यू झालेल्या तीनही रुग्णांच्या फुप्फुसामध्ये मोठ्या प्रमाणात संसर्ग असल्याचे दिसून आले होते. तसेच एन.आय.व्ही. असताना सुद्धा त्यांचे ऑक्सिजनचे प्रमाण कमी राहत होते. त्यांना इतर व्याधी जसे उच्च रक्तदाब अशा प्रकारचे आजार होते. उर्वरित रुग्णांचे उपचार आयसीयू कक्षामध्ये सुरू असून ते रुग्ण स्थिर आहेत, असेही डॉ. बडे यांनी पुढे नमूद केले.
वाचा:
दरम्यान, आगीच्या घटनेनंतर जिल्हाधिकारी यांनी तातडीने घटनास्थळी भेट देऊन माहिती घेतली व सूचना केल्या होत्या. दुसरीकडे मृत रुग्णांच्या नातेवाईकांनी चौकशीची मागणी केली आहे. ही मागणी लक्षात घेत सात सदस्यांची समिती नियुक्त करण्यात आली असून समितीच्या अहवालानंतरच आग कशामुळे लागली व तीन रुग्णांचा मृत्यू कशामुळे झाला हे स्पष्ट होणार आहे.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
