या घटनेतील आरोपी विशाल हा मानखुर्द पुलाखाली फूटपाथवर असलेल्या झोपडपट्टीत राहण्यास असून त्याचा विवाह मानखुर्द भागातच राहणाऱ्या दिलीप सरवदे यांची मुलगी आरती हिच्यासोबत झाला होता. विशाल आरतीच्या चारित्र्यावर संशय घेत असल्याने त्यांच्यात नेहमी वाद होत होते. १७ सप्टेंबरला विशाल व आरती हे दोघे पनवेल येथे नातेवाईकांकडे गेले होते. त्यानंतर सायंकाळी ६. ३० वाजण्याच्या सुमारास मानखुर्द येथे परतण्यासाठी त्यांनी पनवेल येथून लोकल पकडली होती. या प्रवासादरम्यान विशालने आरतीच्या चारित्र्यावर संशय घेत तिच्याशी लोकलमध्ये भांडण काढले. त्यानंतर त्याने तिला मारहाण करण्यास सुरुवात केली. या मारहाणीतच त्याने आरतीला खांदेश्वर आणि मानसरोवर स्थानकादरम्यान धावत्या लोकलमधून ढकलून दिले. लोकल बेलापूर येथे थांबल्यानंतर, विशाल अंधारात रेल्वे रुळावरून चालत आरती पडलेल्या ठिकाणी पोहोचला. आरतीचा मृत्यू झाल्याचे समजल्यानंतर त्याने घटनेची माहिती कुणालाच न देता, गुपचुप आपले घर गाठले. त्यानंतर दोन दिवसानंतर त्याने आरती धावत्या लोकलमधून खाली पडल्यामुळे तिचा मृत्यू झाल्याची माहिती आपल्या घरच्यांना दिली. त्यानंतर याबाबतची कुणकुण वडिलांना लागल्यानंतर त्यांनी पनवेल रेल्वे पोलिस ठाण्यात धाव घेऊन आरतीचा मृतदेह ताब्यात घेतला.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
Word games are a type of puzzle games that involve words, letters, anagrams, crosswords, and more. They are fun, educational, and challenging for people of all ages and skill levels.