कोल्हापूर: मराठा आरक्षणासाठी आत्महत्या करणाऱ्या या विद्यार्थ्याला श्रद्धांजली वाहताना खासदार यांनी मराठा समाजाला कळकळीचं आवाहन केलं आहे. ‘लढून मरावं, मरून जगावं हेच आम्हाला ठावं’, असे पोवाडे गाणारा हा समाज आहे हे लक्षात ठेवा. आत्महत्येसारखे पर्याय निवडू नका,’ असं त्यांनी म्हटलं आहे.

वाचा:

बीडमधील विवेक राहाडे या विद्यार्थ्यांना आरक्षण मिळत नसल्याच्या नैराश्यातून आत्महत्या केली आहे. ‘मी मेल्यानंतर तरी राज्य सरकार आणि केंद्र सरकार यांना मराठ्यांच्या मुलांची कीव येईल आणि माझे मरण सार्थक होईल,’ अशी हतबलता त्यानं आत्महत्येपूर्वी लिहिलेल्या चिठ्ठीत व्यक्त केली आहे. या घटनेनं सर्वच जण हळहळले आहेत. मराठा आरक्षणासाठी सध्या आघाडीवर राहून लढणारे संभाजीराजे भोसले यांनी ट्विटरच्या माध्यमातून या घटनेबद्दल तीव्र दु:ख व्यक्त केलं आहे. ‘विवेक राहाडे या युवकाने समाजासाठी स्वतःच्या प्राणांची आहुती दिली. त्यांच्या परिवारासोबत आमच्या संवेदना आहेत. घरातील कर्तृत्वाला आलेला युवक असा अकाली जाणं, ही कधीही न भरून निघणारी हानी आहे. मी त्यांच्या दुःखात सहभागी आहे. समाजासाठी बलीदान दिलेल्या या मावळ्याला विनम्र श्रद्धांजली,’ असं संभाजीराजे यांनी म्हटलं आहे.

विवेकला श्रद्धांजली वाहताना संभाजीराजे यांनी मराठा समाजातील खचून न जाण्याचं आवाहन केलं आहे. ‘आज परिस्थिती आपल्या विरोधात वाटत असली, समोर अंधार दिसत असला तरी उद्या नक्की पहाट होईल. मराठा आरक्षणाची अटीतटीची लढाई आपण लढत आहोत. कोणत्याही परिस्थितीत हा लढा असाच चालू राहील. सर्व काही ठीक होईल. आपण लढाई जिंकूंच,’ असा विश्वास त्यांनी व्यक्त केला आहे. ‘माझ्या निडर वाघांनो तुम्हीच असे हातबल होऊन आत्मबलिदान देणार असाल, तर मला चांगलं वाटणार आहे का? या लढाईतील प्रत्येक मावळा माझ्यासाठी लाखमोलाचा आहे. हा लढा सुरू असताना कुणीही आत्महत्या करू नयेत. आत्महत्या हा पर्याय अजिबात नाही,’ असं त्यांनी म्हटलं आहे.

वाचा:

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here