औरंगाबाद: घाटी रुग्णालयाच्या परिसरात काही मवाल्यांनी एका महिला डाॅक्टराला रस्त्यावर अडवून तरुणींसह महिला डॉक्टरांची देखील छेड काढली होती. तसेच चाकुचा धाक दाखवून अपहरण करण्याचा प्रयत्न केल्याची घटना घडली. या प्रसंगाला सामोरे गेलेल्या एका महिला डॉक्टराने गुरूवारी थेट पोलीस आयुक्त निखील गुप्ता यांच्याकडे तक्रार केली.
घाटी रुग्णालयात कार्यरत असलेल्या एका महिला डॉक्टर दुपारी साडे बाराच्या सुमारास वैद्यकीय शास्त्र विभागाकडे पायी जात असतांना त्यांना दोन मवाल्यांनी रस्त्यात अडवून अश्लिल हवभाव केले असल्याची घटना घडली. महिला डॉक्टराने जाब विचारण्याचा प्रयत्न केल्या नंतर हे टवाळखोर त्यांच्या अंगावर धावून गेले. हा प्रकार रिक्षा चालकाच्या लक्षात आल्याने तो महिला डॉक्टराच्या मदतीला धाऊन आला. या घटनेनंतर महिला डॉक्टराने वरिष्टांची भेट घऊन थेट पोलिस आयुक्तांना घटनेची माहिती दिली़ त्यानंतर पोलिस आयुक्त गुप्ता यांनी सदर प्रकरणी बेगमपुरा पोलिसांना कॉल करून घाटी रुग्णालयात गस्त वाढविण्यासह टावाळखोरांचा बंदोबस्त करण्याचे आदेश दिले.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
