पुणे: राज्यात आणि देशात संसर्गाने थैमान घातले असताना करोनावरील लशीसाठी सगळेच पुण्यातील इन्स्टिट्युकडे डोळे लावून बसले आहेत. याच इन्स्टिट्युटला राष्ट्रवादी काँग्रेसचे सर्वेसर्वा यांनी आज भेट दिली. या भेटीत पवार यांनी स्वत: करोनाची लस टोचून घेतल्याची बातमी वाऱ्यासारखी पसरली आणि त्याबाबत नेमकी माहिती जाणून घेण्याची उत्सुकता ताणली गेली. ( Visits Covid-19 Vaccine Maker )

सीरम इन्स्टिट्युटने करोना संसर्गावर लस तयार करण्याचे शिवधनुष्य उचलले आहे. सध्या युद्धपातळीवर या लशीवर काम सुरू आहे. त्याबाबत शरद पवार सातत्याने अपडेट्स जाणून घेत आहेत. १ ऑगस्ट रोजी शरद पवार यांनी सीरममध्ये जाऊन लस बनवण्याचे काम कुठवर आलंय याची माहिती घेतली होती. त्यानंतर आज पुन्हा एकदा पवार सीरममध्ये पोहचले.

शरद पवार यांनी सीरमभेटीत टोचून घेतल्याची माहिती काही वेळातच बाहेर पसरली. त्यामुळे सीरम भेटीनंतर पवारांना पत्रकारांनी पहिला प्रश्न हाच विचारला. मग पवारांनी याबाबतची सत्यता सर्वांना सांगितली. पवारांच्या स्पष्टीकरणाने चर्चांनाही पूर्णविराम मिळाला.

मी करोनावरील लस घेतली, असे सांगितले जात असले तरी त्यात कोणतेही तथ्य नाही, असे शरद पवार यांनी स्पष्ट शब्दांत सांगितले. मी सीरममध्ये लस टोचून घेतली हे खरे आहे मात्र ती लस रोगप्रतिकारशक्ती वाढवणारी आहे, असे पवार यांनी नमूद केले. सीरममध्ये प्रतिकारशक्ती वाढवणाऱ्या लशीची निर्मिती होते. मी व माझ्या स्टाफने आज हीच लस घेतली आहे, असेही पवार म्हणाले. सीरमचे प्रमुख पूनावाला हे शरद पवार यांचे वर्गमित्र आहेत. त्यामुळे पवारांसाठी त्यांनी करोना लशीची व्यवस्था केली असेल, असे तुम्हाला वाटत असेल पण तसं काहीही नाही, असे मिश्कीलपणे पवार म्हणाले. करोनावर सीरमची लस यायला नव्या वर्षाचा जानेवारी महिना उजाडेल, असेही पवार यांनी यावेळी सांगितले.

दरम्यान, राज्यावर करोनाचं संकट आलं असताना शरद पवार हे सरकारचे मार्गदर्शक म्हणून सुरुवातीपासूनच मैदानात उतरलेले आहेत. वय आणि प्रकृतीची पर्वा न करता पवार सातत्याने विविध भागांत जाऊन करोना स्थितीचा आढावा घेत आहेत. मुख्यमंत्री उद्धव ठाकरे यांच्याशीही ते या स्थितीवर वारंवार चर्चा करत आहेत. राज्यात अनलॉकची प्रक्रिया सुरू असून त्यातही पवार यांच्या सल्ल्याने अनेक निर्णय घेतले जात आहेत.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here