मुंबई: राज्यात बाधित रुग्णांच्या मृत्यूचा आकडा आज कमी झाला. शुक्रवारी राज्यात ४२४ रुग्णांचा या आजाराने बळी घेतला होता त्याजागी आज २७८ करोना मृत्यूची नोंद झाली असून मृत्यूदरही किंचित खाली आला आहे. दरम्यान, आज नवीन बाधित रुग्णांच्या तुलनेत बरे झालेल्या रुग्णांचा आकडाही अधिक असून रुग्ण बरे होण्याचे प्रमाण ७९.३ टक्क्यांवर पोहचले आहे. ( )

वाचा:

महाराष्ट्रात आज १६ हजार ८३५ रुग्ण बरे होऊन घरी गेले. राज्यात आजपर्यंत एकूण ११ लाख ३४ हजार ५५५ करोना बाधित रुग्ण बरे होऊन घरी गेले आहेत. यामुळे राज्यातील रुग्ण बरे होण्याचे प्रमाण (Recovery Rate) ७९.३ % इतका झाला आहे. आज राज्यात १४ हजार ३४८ नवीन रुग्णांचे निदान झाले तर राज्यात आज २७८ करोना बाधित रुग्णांच्या मृत्यूंची नोंद झाली. सध्या राज्यातील मृत्यूदर २.६४ टक्के इतका आहे, अशी माहिती आरोग्यमंत्री राजेश टोपे यांनी दिली.

वाचा:

आजपर्यंत तपासण्यात आलेल्या ७० लाख ३५ हजार २९६ प्रयोगशाळा नमुन्यांपैकी १४ लाख ३० हजार ८६१ (२०.३४ टक्के ) नमुने पॉझिटिव्ह आले आहेत. सध्या राज्यात २२ लाख ३ हजार ९६६ व्यक्ती होम क्वारंटाइनमध्ये आहेत तर २८ हजार ४१४ व्यक्ती संस्थात्मक क्वारंटाइनमध्ये आहेत, असेही टोपे यांनी नमूद केले.

पुण्यात पॉझिटिव्ह रुग्णांची संख्या घटतेय

शहरात गेल्या काही दिवसांपासून पॉझिटिव्ह रुग्णांपेक्षा करोनामुक्त रुग्णांची संख्या अधिक असल्याचे चित्र दिसत आहे. शनिवारी १०५५ जणांना लागण झाली असून १२८६ जण करोनाच्या आजारातून मुक्त झाल्याने दिलासा मिळत आहे. तर ३८ जणांचा गेल्या २४ तासांत मृत्यू झाला आहे. शहरातील सक्रिय रुग्णांची संख्या गेल्या काही दिवसांपासून कमी होत आहे. त्याशिवाय पॉझिटिव्ह रुग्णांची संख्या घटताना दिसत आहे. शहरात शनिवारी १५ हजार ८७२ एवढे सक्रिय होते. तर १२८६ रुग्ण आजारातून बरे होऊन घरी परतले आहेत. आतापर्यंत १ लाख २८ हजार ९२५ एवढ्या रुग्णांना घरी सोडण्यात आले आहे. शहरात पॉझिटिव्ह रुग्णांच्या संख्येत घट दिसत असल्याने महापालिकेच्या विविध केंद्रावरून होणाऱ्या चाचण्यांची संख्या कमी होताना दिसत आहे. शनिवारी ४ हजार ६८२ एवढ्या चाचण्या झाल्या. आतापर्यंत ६ लाख ४३ हजार २० एवढ्या चाचण्या करण्यात आल्या आहेत.

वाचा:

> राज्यात सध्या २ लाख ५८ हजार १०८ अॅक्टिव्ह रुग्ण आहेत.

> पुणे जिल्ह्यात ५७ हजार ५०१, जिल्ह्यात ३० हजार ६०४ तर मध्ये २९ हजार ३१४ रुग्णांवर सध्या उपचार सुरू आहेत.

> मुंबई आणि साताऱ्यात प्रत्येकी ४६ रुग्णांच्या मृत्यूंची आज नोंद झाली.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here