हाथरस प्रकरणाचा तपास कोण करणार?; उद्या सुप्रीम कोर्टात सुनावणी

नवी दिल्ली: उत्तर प्रदेशातील हाथरसमध्ये दलित युवतीच्या सामूहिक बलात्कार आणि मृत्यू प्रकरणाचा ( and Death Case) तपास सीबीआय (CBI) किंवा एसआयटीमार्फत (ATS) करण्याबाबतच्या याचिकेवर सुप्रीम कोर्ट (Supreme Court) उद्या मंगळवारी सुनावणी घेणार आहे. सरन्यायाधीश एस. ए. बोबडे, न्यायमूर्ती ए. एस. बोपन्ना आणि न्यायमूर्ती व्ही. रामासुब्रमण्यम यांच्या पीठासमोर ही सुनावणी होणार आहे. सुप्रीम कोर्टात एक जनहीत याचिका दाखल करण्यात आली आहे. या प्रकरणाचा तपास सीबीआय किंवा एसआयटीमार्फत केला जावा अशी मागणी या याचिकेत करण्यात आली आहे. (petition to probe hathras gang rape and death case to be heard in tomorrow)

सुप्रीम कोर्टाच्या देखरेखीखाली या प्रकरणाचा तपास करण्यात यावा किंवा उच्च न्यायालयाच्या विद्यमान किंवा निवृत्त न्यायाधीशांमार्फत हा तपास करावा, अशी मागणी या याचिकेत करण्यात आली आहे. दिल्लीतील रहिवासी सत्यमा दुबे, विकास ठाकरे, रुद्रप्रताप यादव आणि सौरभ यादव यांनी ही याचिका दाखल केली आहे. उत्तर प्रदेशात हाथरस सामूहिक बलात्कार प्रकरणाची निष्पक्ष तपास होऊ शकणार नाही, असे या याचिकेत म्हटले आहे.

क्लिक करा आणि वाचा-

उत्तर प्रदेशातील हाथरसच्या घटनेनंतर देशभरात उत्तर प्रदेश सरकारविरोधात प्रश्न उपस्थित केले जात आहेत. उत्तर प्रदेश सरकारने या प्रकरणाचा तपास सीबीआयमार्फत करण्याचा निर्णय घेतला आहे.

क्लिक करा आणि वाचा-

मेडिकर रिपोर्टमुळे गोंधळ

हाथरस पीडित तरुणीनं उपचार सुरू असताना दिलेल्या व्हिडिओ जबाबात, आपल्यावर लैंगिक अत्याचार करण्यात आला होता असे पीडित तरुणीने म्हटले होते. आठ दिवसांनंतर अलीगढच्या रुग्णालयात करण्यात आलेल्या पीडितेच्या मेडिको-लीगल निरीक्षणात खासगी अंगात ‘कम्प्लिट पेनिट्रेशन’, गळा दाबणे आणि तोंड बांधण्याचा उल्लेख करण्यात आला होता.

असे असले तरी, याच अलीगढ मुस्लीम विद्यापीठाच्या जवाहरलाल नेहरू मेडिकल कॉलेजने (JNMC)’संभोगा’ची (Intercourse) शक्यता फेटाळून लावली होती. जवाहरलाल नेहरू मेडिकल कॉलेजच्या फॉरेन्सिक मेडिसिन डिपार्टमेंटकडून तयार करण्यात आलेल्या मेडिको लीगल केसमध्ये (MLC) पीडिता हल्ल्याच्या वेळीच बेशुद्ध पडल्याचं सांगितले गेले होते. जवाहरलाल नेहरू मेडिकल कॉलेजचे फॉरेन्सिक मेडिसिन डिपार्टमेंटमध्ये सहाय्यक प्रोफेसर डॉ. फैज अहमद यांनी तयार केलेल्या रिपोर्टमध्ये, पीडितेच्या शरीरावर किंवा कपड्यांत किंबा कपड्यांवर वीर्याचे नमुने आढळले का? या प्रश्नाचं उत्तर लिहिताना ‘माहीत नाही’ असा उल्लेख करण्यात आला आहे.

क्लिक करा आणि वाचा-

क्लिक करा आणि वाचा-