जुना मोंढा परिसरात कोठारी बंधूंचे राजस्थान प्रयोजन नावाचे होलसेल किराणा दुकान आहे. प्रतिदिन प्रमाणे दोन्ही बंधू हे दुकान बंद करून रोख रक्कम घेऊन प्रताप नगर परिसरातील संजय हाउसिंग सोसायटी येथे असलेल्या घराकडे निघाले होते रस्त्यावरून जात असताना प्रतापनगर चौकात दुचाकीवर आलेल्या तीन अज्ञात व्यक्तींनी त्यांच्या हातात असलेली रोख रकमेची बॅग हिसकावण्याचा प्रयत्न केला. मात्र अजित यांनी बँग सोडली नाही म्हणून पाठीमागून आलेल्या अन्य एका दुचाकीस्वाराने त्यांच्या डोक्यात लोखंडी रॉडने हल्ला केला अचानक झालेल्या हल्ल्याने अजित हे खाली कोसळताच त्यांचे बंधू अशोक कोठारी यांच्यावरही लोखंडी रॉडने हल्ला चढवण्यात आला प्रत्यक्षदर्शी यांच्या माहितीनुसार एका दुचाकीवर दोन तरुण तर अन्य एका दुचाकीवर एक जण असे तिघेजण कोठारी बंधूंचा पाठलाग करत प्रतापनगर चौकात आले होते.
अज्ञात हल्लेखोराच्या हल्ल्यात जखमी झालेल्या कोठारी बंधूंना परिसरातील नागरिकांनी तातडीने एका खासगी रुग्णालयात हलवले होते घटनास्थळावर पुंडलिकनगर पोलिसांचे पथक दाखल झालेले पथकाने परिसराची बारकाईने पाहणी केली असता या ठिकाणी हल्लेखोरांनी जीवघेणा हल्ला केला की रॉड जप्त करण्यात आली आहे. पोलिसांनी घटनास्थळ परिसरातील सीसीटीव्ही फुटेज तपासायला सुरुवात केली आहे त्याशिवाय मोठ्या पासून ते प्रताप नगर च्या मार्गावरील सर्व सीसीटीव्ही फुटेज मंगळवारी तपासण्यात येणार आहेत.या प्रकरणात रात्री उशिरा तक्रार नोंदविण्याचे काम सुरू होते.
आरडा ओरड केल्याने वाचले प्राण
प्रत्यक्षदर्शी असलेल्या एका रिक्षाचालकाच्या माहितीनुसार दोन दुचाकीवर आलेल्या तीन हल्लेखोरांनी अचानक जीवघेणा हल्ला केल्यानंतर कोठारी बंधूंनी आरडाओरड केल्यामुळे रस्त्याने जाणारे लोक आणि काही तरुणांनी त्यांच्या दिशेने धाव घेतली असता हल्लेखोर पसार झाले आहेत. लोक धावून गेले नसते तर एखाद्याचा जीव गेला असता असेही रिक्षाचालकाने सांगितले आहे .जमाव जमल्यामुळे चोरट्यांना बॅग घेऊन पळ काढता आला नाही. अजित कोठारी यांच्या डोक्यात पंचवीस टाके पडले असून अशोक कोठारी यांच्या डोक्यामध्ये ६० टाके पडले आहेत याशिवाय हल्लेखोरांनी त्यांच्या पाठीवर पायावर ही रॉडने हल्ला चढवला.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
