महाविकास आघाडी सरकारला आणि मुंबई पोलिसांना बदनाम करण्याचा प्रयत्न आयटी सेलच्या माध्यमातूनच करण्यात आला आहे, असा थेट आरोपच राष्ट्रवादी काँग्रेसचे प्रदेश प्रवक्ते महेश तपासे यांनी केला असून सोशल मीडियावरील फेक अकाउंट्सवरूनही त्यांनी भाजपला लक्ष्य केले.
वाचा:
याने आत्महत्या केल्यानंतर या प्रकरणाशी संबंधित पोस्ट टाकण्यासाठी फेसबुक आणि ट्वीटरवर ८० हजार फेक अकाउंट्स उघडण्यात आली. या माध्यमातून महाराष्ट्र सरकार आणि तसेच मंत्र्यांची बदनामी करण्यात आली. बिहारच्या निवडणुकीत राजकीय फायदा होईल, यासाठीच ही अकाउंट्स उघडण्यात आल्याचा पर्दाफाश मिशीगन युनिव्हर्सिटीच्या नामांकित लोकांनी तयार केलेल्या अहवालात केला आहे. सुशांत प्रकरणात भाजप व त्यांच्या आयटी सेलने महाविकास आघाडी व मुंबई पोलिसांना बदनाम केल्याचे आणि त्याचा फायदा भाजपला झाल्याचे मिशीगन युनिव्हर्सिटीच्या याच अहवालात नमूद करण्यात आले आहे, असे नमूद करत या अकाउंट्सच्या मुळाशी जाण्याची गरज असल्याचे तपासे यांनी नमूद केले. फेसबुक आणि ट्वीटरने याबाबत माहिती द्यायला हवी, अशी मागणीही त्यांनी केली.
वाचा:
एखाद्या खटल्याचा किंवा प्रकरणाचा न्यायालयीन तपास सुरू असताना कोणताही मीडिया ट्रायल होवू नये, यासाठी भविष्यात केंद्राने कायदा करावा, अशी मागणीही राष्ट्रवादीच्या प्रवक्त्यांनी केली.
आतापर्यंत दोन गुन्हे दाखल
सुशांतच्या मृत्यूनंतर १४ जून रोजी वेगवेगळ्या सोशल माध्यमांमध्ये तब्बल ८० हजार फेक अकाउंट्स तयार करण्यात आली होती. त्याद्वारे फेसबुक, ट्वीटर, इन्स्टाग्राम अशा सोशल प्लॅटफॉर्मवर मुंबई पोलीस व महाराष्ट्र सरकारविरोधात अपप्रचार केला जात होता. असभ्य भाषेचा प्रयोग केला जात होता. मुंबईचे पोलीस आयुक्त परमबीर सिंह यांनी या संदर्भात तपास करण्याचे आदेश सायबर सेलला दिले होते. त्यानुसार आतापर्यंत दोन गुन्हे नोंदवण्यात आले आहेत. फ्रान्स, इटली, जपान, इंडोनेशिया, तुर्की, पोलंड, थायलंड, रोमानिया अशा देशांतून या पोस्ट केल्या जात असल्याची धक्कादायक बाब सायबर तपासात पुढे आली आहे. यातील बहुतेक पोस्ट विदेशी भाषांमध्ये होत्या, असेही निदर्शनास आले आहे. #justiceforsushant #sushantsinghrajput and #SSR असा हॅशटॅगमुळं पोलिसांना या अकाउंट्सचे धागेदोरे लागल्याचे एका अधिकाऱ्याने सांगितले.
वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
