खोटे, अर्धसत्य, अश्लील नको… टीव्ही वाहिन्यांसाठी गाइडलाइन्स जारी

नवी दिल्ली: देशातील सर्व खासगी टीव्ही वाहिन्यांनी (Private TV Chennels) खोटे, अर्धसत्य, अश्लील आणि एखादी व्यक्ती किंवा समूहाप्रती अपमानजनक माहिती किंवा सामग्रीचे प्रसारण करू नये अशा सूचना माहिती आणि प्रसारण मंत्रालयाने ( Ministry) दिल्या आहेत. मंत्रालयाने या संदर्भात सर्व वाहिन्याना (Advisory) जारी केली आहे. रिपब्लिक टीव्हीसह इतर काही टीव्ही वाहिन्यांवर टीआरपीमध्ये फेरफार करण्याचा आरोप लागलेला असताना ही माहिती आणि प्रसारण मंत्रालयाने अॅडव्हायजरी जारी केली आहे हे विशेष. काही दिवसांपूर्वीच सुदर्शन न्यूजच्या एका वादग्रस्त कार्यक्रमाचे प्रकरण सुप्रीम कोर्टापर्यंत पोहोचले होते. (advisory for against false half truth and slanderous programmes)

टीव्ही वाहिन्यांनी केबल टेलिव्हिजन नेटवर्क (रेग्युलेशन) अॅक्ट १९९५ च्या अंतर्गत असलेल्या आचारसंहितेचे पूर्णपणे पालन करावे असे या अॅडव्हायजरीत म्हटले आहे. या अंतर्गत कार्यक्रमाद्वारे अश्लील, मानहानिकारक, खोटे आणि अर्धसत्य असलेल्या गोष्टी प्रसारित होऊ नये अशी अपेक्षा आहे. शिवाय एखादी व्यक्ती, समूह, समाजातील वर्ग, जनता किंवा देशाच्या नैतिक जीवनावर टीका करणे, लांछन लावणे किंवा अपमानीत करणाऱ्या गोष्टी दाखवल्या जाऊ नयेत अशी अपेक्षित आहे.

मुंबई पोलिसांनी टीआरपीमध्ये फेरफार केल्याचा खळबळजनक खुलासा केल्यानंतर माहिती आणि प्रसारण मंत्रालयाची ही अॅडव्हायजरी जारी झाली आहे. इंडिया टुडे टीव्ही वाहिनीसह काही वृत्तवाहिन्यांविरोधाक टीआरपीमध्ये फेरफार करण्याबाबतच्या तक्रारी दाखल झाल्या होत्या. इंडिया टुडेने आपल्यावरील आरोप फेटाळून लावले आहेत. तर, रिपब्लिक टीव्ही आणि इतर दोन छोट्या मराठी वाहिन्यांनी आपला टीआरपी वाढवण्यासाठी ज्या घरांमध्ये बॅरोमीटर लावण्यात आले, त्यांपैकी अनेकंना पैसे देत आपली वाहिनी सुरू ठेवण्यास सांगितले होते असे तपासात आढळून आल्याचा मुंबई पोलिसांचा दावा आहे. मात्र, आपल्यावरील सर्व आरोप खोटे असल्याचे रिपब्लिक टीव्हीने म्हटले आहे. आपण मुंबईचे पोलिस आयुक्त परमवीर सिंह यांच्या विरोधात मानहानीचा खटला भरू असेही रिपब्लिक टीव्हीने म्हटले आहे.

क्लिक करा आणि वाचा-

काही दिवसांपूर्वी सुदर्शन टीव्हीचा एका वादग्रस्त कार्यक्रमाबाबतचे प्रकरण हायकोर्ट आणि सुप्रीम कोर्टापर्यंत पोहोचले होते.

क्लिक करा आणि वाचा- क्लिक करा आणि वाचा-