बंगाल मार्च: पोलिसांनी शीख व्यक्तीची पगडी खेचल्याचा भाजपचा आरोप

कोलकाता: गुरुवारी कोलकात्यात भारतीय जनता पक्षाची निदर्शने सुरू असताना पोलिसांनी एका व्यक्तीला बळजबरीने ताब्यात घेत असतानाचा व्हिडिओ व्हायरल झाल्यानंतर एकच गोंधळ उडाला. कोलकाता पोलिसांनी बठिंडाचा रहिवासी असलेली बलविंदर सिंह या ४३ वर्षीय शीख व्यक्तीची खेचून धार्मिक भावना दुखावल्या असल्याचा आरोप भारतीय जनता पक्षाने केला आहे. ही घटना हावडा मैदान भागात घडली.

या प्रकरणावरील वाद सोशल मीडियावर पसरला. क्रिकेटपटू हरभजन सिंह याने पश्चिम बंगालच्या मुख्यमंत्री ममता बॅनर्जी यांना टॅग करत ट्विट केले.

बलविंदर सिंह यांच्याकडून ९ एमएमचे एक पिस्तूल देखील जप्त केली गेली. अटक केल्यानंतर सिंह यांनी त्यांच्याकडे असलेल्या पिस्तूलचा परवाना देखील दाखवला. या परवान्याची मुदत जानेवारी २०२१ पर्यंतची आहे. बलविंदर सिंह हे भारतीय सैन्यदलातील एक माजी सैनिक आहेत. त्यांनी राष्ट्रीय रायफल बटालियनमध्ये आपली सेवा दिली आहे.

तथापि, पोलिसांचा जाणूनबुजून पगडी खेचण्याचा कोणताही इरादा नसल्याचे बंगाल पोलिसांचे म्हणणे आहे. या संघर्षात पगडी आपोआप खाली पडली. आम्ही सर्व धर्मांचा आदर करतो. अटक करण्यापूर्वी पोलिस अधिकाऱ्याने बलविंदर सिंह यांना पगडी डोक्यावर घालण्याच्या सूचना केल्याचे पोलिसांनी स्पष्ट केले आहे. मात्र पोलिसांसोबतचा बलविंदर सिंह यांच्या संघर्षाचा एक व्हिडिओ शुक्रवारी व्हायरल झाला. बलविंदर सिंह यांची पगडी खेचली गेल्यानंतर चे जमिनीवर कोसळले. त्यानंतर पोलिसांनी त्यांना मारहाण केली. यानंतर गोंधळ माजला.

केवळ भाजप नेत्यांनीच नाही, तर शिरोमणी अकाली दलानेही ममता बॅनर्जी यांनी या प्रकरणात सामिल असलेल्या पोलिसांविरोधात कडक कारवाई करावी अशी मागणी केली आहे.

क्लिक करा आणि वाचा-
गुरुवारी करोना विषाणूचा संसर्ग होऊ नये यासाठी करावयाच्या उपाययोजनांना बाजूला सारत, तसेच शारीरिक अंतराचा विचार न करता पश्चिम बंगाल सरकारचे सचिवालय ‘नाबन्ना’च्या बाहेर शेकडोंच्या संख्येने जमा झालेले भारतीय जनता पक्षाचे कार्यकर्ते आणि यांच्या संघर्ष झाला. पोलिस दंगलविरोधी पेहरावात असून अश्रूधूर आणि वॉटर कॅननच्या मदतीने दगडफेक करणाऱ्या गर्दीला पांगवण्याचा प्रयत्न करत असल्याचे व्हिडिओ फूटेजमध्ये दिसत आहे.

क्लिक करा आणि वाचा- क्लिक करा आणि वाचा-