पुणेः खेड तालुक्याचे माजी आमदार सुरेश नामदेव गोरे यांचे ( वय -५६ ) आज सकाळी ९ वाजता रुबी हॉस्पीटलमध्ये अल्पशा आजाराने निधन झाले. गेली एकवीस दिवस ते उपचार घेत होते. करोनाच्या आजारातून बरे झाल्यावर ते फुफुसाच्या उदभवलेल्या आजाराच्या उपचाराला प्रतिसादही देते होते. मात्र आज सकाळी त्यांची मृत्यूशी झुंज अपयशी ठरली आणि उपचारांदरम्यान त्यांचं निधन झालं

२०१४ ते २०१९ या कालावधीत ते शिवसेनेचे आमदार होते. आमदार होण्यापूर्वी ते सलग तीन वेळा राष्ट्रवादी कॉग्रेस पक्षाकडून जिल्हा परिषदेवर निवडून आले होते. अडीच वर्ष त्यांनी जिल्हा परिषदेचे उपाध्यक्षपद भुषविले होते. सरळ आणि मितभाषी स्वभावामुळे ते प्रसिध्द होते. त्यांच्या मागे पत्नी, मुलगा, मुलगी आणि भावंडांचे मोठे एकत्रित कुंटूब आहे.

दरम्यान, गेल्या काही दिवसांपासून शहरातील करोनाच्या सक्रिय रुग्णसंख्येत सातत्याने घट होत आहे. गेल्या चार दिवसांपासून चौदा हजारांच्या घरात असलेली करोना सक्रिय रुग्णांची संख्या शुक्रवारी १३ हजार ७३६ झाली आहे. सक्रिय रुग्ण; तसेच ऑक्सिजनवरील रुग्णांची घटती संख्या, तसेच दररोज नव्या करोनाबाधितांपेक्षा करोनामुक्तांचे वाढते प्रमाण शहरवासीयांना दिलासा देणारे ठरत आहे.

पुण्यातील शुक्रवारची स्थिती

नवे रुग्ण – ६९७

पबरे झालेले रुग्ण – ९७०

दिवसभरात मृत्यू – २३ (+२५ शहराबाहेरील)

गंभीर रुग्णांची संख्या – ८५९

व्हेंटिलेटरवरील रुग्ण – ४९३

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here