चेन्नईचा संघ आतापर्यंत सहा सामने खेळला आहे. या सहा सामन्यांपैकी त्यांना फक्त दोनच विजय मिळवता आले आहेत. त्याचबरोबर त्यांना चार सामन्यांमध्ये पराभव पत्करावा लागला आहे. त्यामुळे आजचा सामना चेन्नईसाठी महत्वाचा असेल. कारण या सामन्यात विजय मिळवल्यावर त्यांना गुणतालिकेत झेप घेण्याची संधी असेल.
चेन्नईच्या संघाला पाठिंबा देण्यासाठी यावेळी काही मुलींनी एकत्र येऊन हा व्हिडीओ बनवला आहे. चेन्नईच्या संघाने फॉर्मात यावं, विजय मिळवावा आणि आयपीएलमध्ये चांगली कामगिरी करावी, यासाठी हा व्हिडीओ बनवण्यात आला आहे. हा व्हिडीओ ४५ मिनिटांमध्ये पंधरा हजार चाहत्यांनी पाहिल्याचे दिसत आहे. हा व्हिडीओ सध्याच्या घडीला चांगलाच गाजत आहे.
चेन्नई सुपर किंग्स आणि आरसीबी यांच्यामध्ये आजचा सामना रंगणार आहे. पण आजच्या या सामन्यात सर्वांचेच लक्ष असेल ते महेंद्रसिंग धोनी आणि विराट कोहली या दोन्ही कर्णधारांवर. त्यामुळे आज कोणता संघ विजयी ठरतो, याची उत्सुकता चाहत्यांना असेल. आयपीएलमध्ये आज महेंद्र सिंह धोनीच्या चेन्नई सुपर किंग्जची कसोटी लागणार आहे. CSKची लढत विराट कोहलीच्या रॉयल चॅलेंजर्स बेंगळुरूविरुद्ध होत आहे. चेन्नईला कोणत्याही परिस्थितीत कामगिरीत मोठी सुधारणा करावी लागणार आहे. आणखी एक पराभव चेन्नईच्या पुढील वाटचाली अडचणीत आणणाऱ्या ठरू शकतील. स्पर्धेत आतापर्यंत चेन्नईला ६ सामन्यात फक्त दोन विजय मिळवता आले. ते गुणतक्त्यात ६व्या स्थानावर आहेत. तर बेंगळुरूने ५ सामन्यात ३ विजयांसह पाचवे स्थान मिळवले. हे दोन्ही संघ पहिल्या टॉप ४ मधून बाहेर आहेत.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
