मुंबईः करोनाचा हॉटस्पॉट ठरलेल्या मुंबईची स्थिती आता पुन्हा सुधारत आहे. सप्टेंबरमहिन्यात मुंबईत पुन्हा एकदा करोना रुग्णवाढीच्या संख्येनं उसळी घेतली होती त्यातुलनेनं ऑक्टोबर महिन्यात करोना रुग्णांची संख्या कमी आहे. त्याचबरोबर, रुग्ण बरे होण्याचे प्रमाणही वाढत आहे. मुंबईमध्ये मागील ९ दिवसांत १९ हजार ९०६ रुग्णांची नोंद झाली आहे. तर, १९ हजार ७५१ रुग्ण बरे होऊन घरी परतले आहेत.

ऑक्टोबरमध्ये रिकव्हरी रेट २ टक्क्यांनी वाढला आहे तर, डबलिंग रेट १ दिवस जास्त झाला आहे. मुंबईत चाचण्यांचे प्रणाण वाढवली आहे त्यामुळं मोठ्या संख्येनं करोना रुग्ण सापडत आहेत. त्यामुळं, आता हळूहळू पुन्हा मुंबईची स्थिती अजून सुधारेल, असं मुंबई महानगरपालिकेचे अतिरिक्त आयुक्त सुरेश काकानी यांनी म्हटलं आहे.

सप्टेंबरप्रमाणेच ऑक्टोबरमध्येही करोनाचे जवळपास दोन हजार रुग्ण रोज सापडत आहेत. पण, दिलासादायक बाब म्हणजे रोज त्याच संख्येनं रुग्ण बरे देखील होत आहेत. तसंच, मुंबईतील अॅक्टिव्ह रुग्णांची संख्यांही कमी झाली आहे. ३० सप्टेंबरला मुंबईत अॅक्टिव्ह रुग्णांची संख्या २६ हजार ५४० होती तर, ९ सप्टेंबरपर्यंत या संख्येत घट होऊन अॅक्टिव्ह रुग्णांची संख्या २३ हजार ०८६ वर पोहोचली आहे. म्हणजेच ९ दिवसांत अॅक्टिव्ह रुग्णांची संख्या ३ हजार ४५४ इतकी झाली आहे. ३० सप्टेंबरला मुंबईचा रिकव्हरी रेट ८२ टक्के होता. जो, ९ ऑक्टोबरला ८४ टक्क्यांवर पोहोचला आहे.

बोरीवली ते दहिसरपर्यंत अधिक रुग्ण

मुंबईतील बोरीवली व अंधेरी पूर्व व पश्चिमसह कांदिवली आणि दहिसर परिसरात करोना रुग्ण बरे होण्याचे प्रमाण थोडे कमी आगे. कारण या परिसरात करोनाचे रुग्ण मुंबई व्यतिरिक्त अन्य वॉर्डातून सापडत आहेत. तसंच, डबलिंग रेटदेखील कमी आहे आणि ग्रोथ रेट जास्त आहे. दक्षिण मुंबईत करोनाची स्थिती सुधारतेय. माझी कुटुंब, माझी जबाबदारी अभियानाचा परिणाम १५ ऑक्टोबरनंतर मुंबईत पाहायला मिळत आहे, असं पालिकेच्या एका अधिकाऱ्यानं स्पष्ट केलं आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here