वाचा-
हैदराबादचा कर्णधार डेव्हिड वॉर्नरने नाणेफेक जिंकून प्रथम फलंदाजी करण्याचा निर्णय घेतला. मनिष पांडेच्या ५६ आणि वॉर्नरच्या ४८ धावांच्या जोरावर त्यांनी २० षटकात ४ बाद १५८ धावसंख्या उभी करून दिली.
वाचा-
विजयासाठी १५९ धावांचे लक्ष्य घेऊन मैदानात उतरलेल्या राजस्थानची सुरुवात अतिशय खराब झाली. बेन स्टोक्सला सलामीला पाठवून राजस्थानने मोठी चूक केली. तो ५ धावा करून बाद झाला. त्यानंतर कर्णधार स्टीव्ह स्मिथ देखील ५ धावांवर धावबाद झाला. ९.१ षटकात राजस्थानची अवस्था ५ बाद ७८ अशी झाली होती. त्यानंतर राहुल तेवतिया आणि रियान यांनी १५व्या षटकानंतर हैदराबादच्या गोलंदाजांची धुलाई केली. तेवतियाने धोकादायक गोलंदाज राशिद खानला देखील सोडले नाही. १५ षटकात ५ बाद ९४ धावसंख्येवरून तेवतिया आणि रियान यांनी संघाला विजय मिळवून दिला.
वाचा-
…
अखेरच्या १२ चेंडू राजस्थानला विजयासाठी २२ धावांची गरज होती. त्यानंतर शेवटच्या ओव्हरमध्ये ८ धावांची. पंजाबकडून खलील अहमदने अखेरची ओव्हर टाकली. शेवटच्या दोन चेंडूत २ धावांची गरज असताना रियानने षटकार मारत विजय मिळून दिला. रियानने २६ चेंडूत ४२ तर राहुल तेवतियाने २८ चेंडूत ४५ धावा केल्या. या दोघांनी प्रत्येकी २ षटकार मारले.
वाचा-
या विजयामुळे राजस्थानला मोठा दिलासा मिळाला आहे. ७ पैकी ३ सामन्यात विजय मिळून ते गुणतक्त्यात सहाव्या स्थानावर पोहोचले आहेत. त्यांनी चेन्नईला मागे टाकेल.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
