मुंबई टाइम्स टीम

केंद्र सरकारनं येत्या १५ ऑक्टोबरपासून देशभरातील प्रेक्षकांसाठी खुली करण्यासाठी सशर्त परवानगी दिली आहे. त्यांनतर आता बऱ्याच राज्यांमध्ये याबाबत सकारात्मक वातावरण असून त्या-त्या राज्यांतील सरकार चित्रपटगृह उघडण्यास मंजुरी देत आहेत. महाराष्ट्रात अद्याप चित्रपटगृहं सुरू करण्यास परवानगी देण्यात आली नसली, तरी दिल्ली, पश्चिम बंगाल तसंच दक्षिणेतील राज्यांमध्ये लवकरच सिनेमाचा मोठा पडदा झळाळून उठणार आहे. दसऱ्यापूर्वी मिळालेल्या संधीचं सोनं करत, येत्या १५ ऑक्टोबरपासून मोठ्या पडद्यावर चित्रपटाच्या प्रदर्शनाची रांग लागायला सुरुवात झाली आहे. हिंदी चित्रपटांसह, दाक्षिणात्य चित्रपट आणि हॉलिवूडपटदेखील भारतात सात महिन्यांनंतर प्रदर्शित होणार आहेत.

यापूर्वी ‘झी प्लेक्स’ या ओटीटी (ओव्हर द टॉप) प्लॅटफॉर्मवर प्रदर्शित झालेला अनन्या पांडे आणि इशान खट्टर यांचा ‘खाली पिली’ चित्रपट आता पुन्हा एकदा मोठ्या पडद्यावर प्रदर्शित होणार आहे. २ ऑक्टोबरला जेव्हा हा चित्रपट डिजिटली प्रदर्शित झाला होता, तेव्हा तो पाहण्यासाठी विशेष तिकीट प्रेक्षकांना खरेदी करावं लागलं होतं. त्यामुळे इतर ओटीटी प्रदर्शित सिनेमांप्रमाणे या चित्रपटाची प्रेक्षकसंख्या तितकीशी जास्त नव्हती; असं समजतंय. परिणामी निर्मात्यांनी चित्रपटगृहं खुली होण्याची संधी पाहत पुन्हा एकदा १६ ऑक्टोबरला हा चित्रपट थेट मोठ्या पडद्यावर प्रदर्शित करण्याचा निर्णय घेतला आहे. त्याबरोबरच गेल्या तीन-चार महिन्यांत ओटीटीवर प्रदर्शित झालेले चित्रपटदेखील आता हळूहळू थिएटरमध्ये पुन्हा प्रदर्शित केले जाऊ शकतात. सोबतच अशा सिनेमांचं तिकीट शुल्कदेखील कमी ठेवण्यात येणार आहे. जेणेकरून अधिकाधिक प्रेक्षकांना चित्रपटगृहाकडे आकर्षित करता येईल.

गेल्या वर्षी प्रदर्शित झालेला, विवेक ओबरॉयची मुख्य भूमिका असलेला ” हा चित्रपटदेखील आता पुन्हा एकदा चित्रपटगृहात प्रदर्शित करण्याचा निर्णय सिनेनिर्मात्यांनी घेतला आहे. हा चित्रपट पुन्हा प्रदर्शित करण्यामागे राजकीय हेतू असल्याचंदेखील बोललं जातंय. देशातल्या चित्रपटगृहांवरील लॉकडाऊन १५ ऑक्टोबरला उठणार आहे. त्याच दिवशी हा चित्रपट पुन्हा प्रदर्शित केला जाणार आहे. तसंच तमिळ चित्रपट ‘का पाय रणसिंगम’देखील दुसऱ्या दिवशी, म्हणजेच १६ ऑक्टोबरला प्रदर्शित होणार आहे.

हॉलिवूडपटही येतायेतज्या राज्य सरकारांनी त्यांच्याकडे चित्रपटगृहं सुरू करण्यास परवानगी दिली आहे तिथे, खास करून ” तीन आठवड्यांत तीन हॉलिवूडपट प्रदर्शित करणार आहे. देशभरातील थिएटर्समध्ये आगामी तीन आठवड्यात हॉलिवूडचे तीन चित्रपट प्रदर्शित करणार आहे. यात १६ ऑक्टोबरला ‘माय स्पाय’, २३ ऑक्टोबरला ‘ फोर्स ऑफ नेचर’ आणि ३० ऑक्टोबरला ” प्रदर्शित होईल.

राज्यातील चित्रपटगृहांना सशर्त कार्यान्वित होण्यासाठी मंजुरी मिळावी यासाठी महाराष्ट्र सरकारशी आम्ही वारंवार बातचीत करत आहोत. मुंबई आणि महाराष्ट्र हा मनोरंजनसृष्टीचा केंद्रबिंदू आहे. आम्हाला पूर्ण विश्वास आहे, की राज्य सरकारकडूनदेखील चित्रपटगृहांना लवकरच परवानगी मिळेल.
– अक्षय राठी, सिनेमा एक्झिबिटर

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here