नवी दिल्ली : महाराष्ट्राचे राज्यपाल भगत सिंह कोश्यारी आणि मुख्यमंत्री यांच्यात गेल्या सुरु असलेल्या ‘लेटरवॉर’ मध्ये ‘ऑल इंडिया मजलिस ए इत्तेहादूल मुस्लिमिन’ (AIMIM) चे अध्यक्ष आणि हैदराबादचे खासदार हेदेखील उतरले आहेत. मुख्यमंत्री ठाकरेंना ‘हिंदुत्वाची’ आठवण करू देऊ पाहणाऱ्या राज्यपाल भगत सिंह कोश्यारी यांच्यावर ओवैसींनी टीका केलीय. हे दुर्दैवी असल्याचं असदुद्दीन ओवैसी यांनी म्हटलंय. ‘मुख्यमंत्र्यांकडून यापद्धतीची अपेक्षा करणं अप्रासंगिक असून असं व्हायला नको’ अशी अपेक्षाही असदुद्दीन ओवैसी यांनी केलीय. सोबतच, त्यांनी राज्यपालांना संविधानाच्या शपथेचीही आठवण करून दिलीय.

‘ज्यांनी संविधानाची शपथ घेतली, त्या राज्यपालांकडून अशी वक्तव्य केली जात आहेत, हे खूपच दुर्दैवी आहे. संविधानाच्या शपथेसाठी ‘हिंदुत्वा’च्या परीक्षेची आवश्यकता नव्हती. आपली कर्तव्य पार पाडण्यासाठी मुख्यमंत्र्यांच्या हिंदुत्वाप्रती प्रतिबद्धता अप्रासंगिक आहे आणि हा मुद्दाच चर्चेत येण्याची आवश्यकता नव्हती’ असं ट्विट असदुद्दीन ओवैसी यांनी केलंय.

वाचा :

वाचा :

का सुरू झालं ‘लेटरवॉर’?

महाराष्ट्रात विरोधी पक्ष असलेल्या भाजपकडून सातत्यानं मंदिरं उघडण्याची मागणी केली जातेय. भाजपकडून ही मागणी राज्यपालांसमोर पत्राद्वारे मांडली गेली. यानंतर, राज्य सरकार मंदिरं भाविकांसाठी का खुली करत नाहीत? असा सवाल करत राज्यपाल भगत सिंह कोश्यारी यांनी शिवसेना अध्यक्ष आणि उद्धव ठाकरे यांना आपल्या पत्रात ‘हिंदुत्वाची’ गळ घातली. ‘तुम्ही कट्टर हिंदुत्ववादी आहात. तुम्ही हे मान्यही केलंय. मुख्यमंत्रीपदाची शपथ घेतल्यानंतर तुम्ही अयोद्धेलाही गेला होतात. आषाढी एकादशीला पंढरपूरला जात विठ्ठल- रखुमाईची पूजाही केली. मंदिरं बंद ठेवण्यासाठी तुम्हाला दैवी संकेत मिळत आहेत का? की ज्या ‘सेक्युलर’ शब्दाचा तुम्हाला तिरस्कार वाटत होता तो ‘सेक्युलर’ शब्द तुम्ही स्वीकारला आहे’ असे प्रश्न राज्यपाल कोश्यारी यांनी मुख्यमंत्र्यांना लिहिलेल्या पत्रात विचारले होते.

वाचा :

वाचा :

राज्यपालांच्या पत्राला मुख्यमंत्र्यांचं उत्तर

राज्यपालांच्या या पत्राला अतिशय संयमित भाषेत मुख्यमंत्री ठाकरे यांनी उत्तर देतानाच राज्यपालांनाच ‘सेक्युलॅरिझम’ मान्य नाही का? असा सवाल उपस्थित केला. ‘माझ्या हिंदुत्वाला आपल्या प्रमाणपत्राची आवश्यकता नाही. तसंच ते कोणाकडून शिकण्याचीही मला गरज नाही. माझ्या राज्याला अथवा माझ्या राज्याच्या राजधानीला पाकव्याप्त काश्मी म्हणणाऱ्यांचं हसत खेळत घरात स्वागत करणं हेही माझ्या हिंदुत्वात बसत नाही. ज्या ‘सेक्युलर’ शब्दाचा तुम्हाला तिरस्कार वाटत होता तो ‘सेक्युलर’ शब्द तुम्ही स्वीकारला आहे? असा प्रश्न आपल्याला का पडावा? केवळ धर्मस्थळं उघडणं म्हणजे हिंदुत्व आणि न उघडणं म्हणजे ‘सेक्युलर’ असं आपलं म्हणणं आहे का? मग आपण राज्यपालपदाची शपथ ज्या घटनेनुसार घेतलीत त्या घटनेचा महत्वाचा गाभा ‘सेक्युलॅरिझम’ आहे तो आपल्याला मान्य नाही का? आपण म्हणता गेल्या तीन महिन्यात काही शिष्टमंडळांनी भेटून आपल्याला प्रार्थनास्थळे उघडण्याबद्दल विनंती केली. त्यातील तीन पत्रंही आपण सोबत जोडली आहेत. ही तीनही पत्रं भारतीय जनता पक्षाच्या पदाधिकारी आणि समर्थकांची आहेत. हा योगायोग असू शकतो. असो… आपल्या विनंतीचा महाराष्ट्र सरकार गांभिर्याने विचार करत असून सर्व काळजी घेवून लवकरात लवकर याबाबत निर्णय घेतला जाईल ही खात्री मी आपल्याला देतो’ असं उत्तर उद्धव ठाकरेंनी राज्यपालांना आपल्या जाहीर पत्राद्वारे दिलं.

वाचा :

वाचा :

‘सेक्युलर’ हा शब्द अवहेलनेसाठी वापरणार?

यानंतर, राष्ट्रवादीचे अध्यक्ष शरद पवार यांनीदेखील पंतप्रधान नरेंद्र मोदी यांना एक पत्र लिहून राज्यपालांच्या वक्तव्याबाबत नाराजी व्यक्त केली आहे. ‘राज्यपाल कोश्यारी यांचं पत्र संविधानाची चौकट मोडणारं असल्याचं’ मत व्यक्त करतानाच ‘धार्मिक स्थळं उघडली नाहीत म्हणून ‘सेक्युलर’ ठरवून अवहेलना करणार का?’ असा सवालच शरद पवार यांनी या पत्रात विचारला आहे.

वाचा :

वाचा :

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here