अनुराग कश्यपविरोधात लैंगिक छळवणुकीची तक्रार करताना अभिनेत्री पायल घोष हिने अभिनेत्री रिचा चढ्ढाविरोधातही आक्षेपार्ह विधाने केल्याने वाद निर्माण झाला होता. हा वाद मिटवण्यासंदर्भात मुंबई उच्च न्यायालयाने या दोघींना सोमवारी दोन दिवसांची अखेरची मुदत दिली होती. दरम्यान, आज पायलनं पायलने रिचाविरोधातील विधान मागे घेऊन तिची माफी मागितली आहे. त्याचबरोबर भविष्यात दोघींपैकी कोणीही परस्पराविरोधात खटला भरणार नाही आणि भरपाईही मागणार नाही, असेही लेखी संमतीपत्रकात दोघींनी मान्य केले असून न्यायमूर्ती ए. के. मेनन यांनी दोघींमधील प्रकरण बंद केलं आहे.
दरम्यान, रिचाविरोधात तिची बदनामी होणारे यापुढे सोशल मीडियावर काहीही पोस्ट करु नये किंवा प्रसिद्धी देऊ नये असा अंतरिम आदेश न्यायालायानं आधीच काढला होता. पायलचा व्हिडिओ प्रसारित करणारे युट्यूब चॅनेल आणि तो व्हिडिओ सोशल मिडियावर व्हायरल करणाऱ्या अभिनेता कमाल आर खान यालाही उच्च न्यायालयाने अंतरिम आदेशानं मनाई केली होती. तर, कमाल आर खानविरोधातील प्रकरण अद्याप सुरू राहणार आहे.
काय आहे प्रकरण?
अनुरागने २०१४मध्ये माझ्यासमोर अश्लील कृत्य करून लैंगिक छळवणूक केली’, असा आरोप पायलने सोशल मीडियावर एक व्हिडीओ पसरवून केला होता. अभिनेत्री , हुमा कुरेशी व माही गिल या अभिनेत्रीही अनुरागच्या लैंगिक छळवणुकीला बळी ठरल्या, असेही पायलने म्हटले होते. त्यामुळे ‘या प्रकरणात माझे नाव विनाकारण ओढून पायलने माझी बदनामी केली आहे. त्यामुळे तिला एक कोटी दहा लाख रुपयांची नुकसानभरपाई देण्याचे निर्देश द्यावेत. तसेच यापुढे आणखी बदनामी करण्यापासून रोखावे’, अशी विनंती करत रिचाने पायलविरोधात अब्रुनुकसानीचा दावा दाखल केला आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
