मुंबईः आरे कॉलनीतील कांजूरमार्ग येथे होणार असल्याची घोषणा मुख्यमंत्र्यांनी केली आहे. कांजूरमार्ग येथे मेट्रो कारशेडच्या कामांना वेगही आला आहे. दरम्यान, पर्यावरणमंत्री यांनी आजचं मेट्रो कारशेडच्या नव्या जागेची पाहणी केली आहे. त्यानंतर त्यांनी एक ट्विटही केलं आहे.

गतवर्षी आरे कॉलनीमध्ये मेट्रो कारशेडसाठी होणाऱ्या वृक्षतोडीला विरोध करण्यासाठी पर्यावरणप्रेमींनी आंदोलन छेडले होते. हे आंदोलन पोलिसी बळाचा वापर करून चिरडण्याचा प्रयत्न झाल्याचा तेव्हा आरोप करण्यात आला होता. तेव्हा सरकारमध्ये असलेल्या शिवसेनेने या प्रकाराचा कडाडून विरोध केला होता. आदित्य ठाकरे आंदोलकांच्या बाजूने उभे राहिले होते. उद्धव ठाकरे यांनीही त्यांच्या भाषणात आदित्य ठाकरेंचे आभार मानले होते. आदित्य ठाकरे यांनी यामध्ये अहोरात्र मेहनत केली आहे, असं ते म्हणाले होते.

आदित्य ठाकरे यांनी आज नव्या जागेची पाहणी करून महत्त्वाची माहितीही दिली आहे. ‘कारशेड उभारण्यासाठी एमएमआरडीएकडे सोपावण्यात आलेल्या जागेवर आज सकाळी मुख्यमंत्री कार्यालय, एमएमआरडीए, एमएमआरसीएल अधिकाऱ्यांसोबत भेट दिली आहे. सुधारित योजनेसह कनेक्टिव्हीटी वाढवण्यासाठी मेट्रो ३ आणि ६ची कारशेड येथे उभारली जाणार आहे. मातीचं परीक्षण आधीच सुरू झालं आहे. जागेची पाहणी करण्यासाठी मी त्यांच्यासोबत उपस्थित होतो,’ असं ट्विट त्यांनी केलं आहे.

आरेतील कारशेड कांजूरमध्ये

‘आरेतील जंगलासाठी आंदोलन करणाऱ्या पर्यावरणवाद्यांवरील गुन्हे मागे घेण्याचा निर्णय घेण्यात आला आहे. आरेतील ६०० एकर जमीन जंगल म्हणून घोषित केली आहे. त्याचबरोबर या जंगलाची व्याप्ती ८०० एकर झाली आहे. त्याचबरोबर आरेतील कारशेड दुसरीकडे स्थलांतरित करण्याचा निर्णय घेतला आहे. आरेतील कारशेड आता कांजूरमार्ग येथे करण्यात येणार आहे.’अशी घोषणा मुख्यमंत्री उद्धव ठाकरे यांनी केली आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here