याबाबत ५५ वर्षीय महिलेने तक्रार दिली आहे. त्यानुसार अज्ञात चोरट्यांच्या विरोधात गुन्हा दाखल करण्यात आला आहे. लोहगावमधील निंबाळकर नगरमध्ये तक्रारदार महिला राहते. मंगळवारी दुपारी त्या दूध आणण्यासाठी जात होत्या. त्यावेळी तोंडावर मास्क लावून एक व्यक्ती काळ्या रंगाच्या दुचाकीवरून त्यांच्याजवळ आली. त्याने त्यांच्या गळ्यातील मंगळसूत्र हिसकावून घेण्याचा प्रयत्न केला. या वेळी प्रसंगावधान राखत महिलेने यांनी मंगळसूत्र हातात घट्ट पकडले. चोरटा व महिला यांच्यात जोरदार झटापट झाली. त्यांनी मंगळसूत्र सोडले नाही. त्यामुळे चोरट्याने त्यांना दगड मारला. त्यांनी आरडाओरड केल्यानंतर नागरिक जमा झाले. त्यामुळे चोरट्याने पोबारा केला. या घटनेमध्ये सरडे या जखमी झाल्या आहेत. या घटनेचा तपास पोलीस उपनिरीक्षक हनुमंत गिरी करत आहेत.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
