दुबई : दिल्ली कॅपिटल्सच्या संघाने आज राजस्थान रॉयल्सवर १३ धावांनी विजय मिळवला. या विजयानंतर दिल्लीच्या संघाने मुंबई इंडियन्सला धक्का दिल्याचे पाहायला मिळाले. दिल्लीच्या या विजयानंतर गुणतालिकेत नेमके काय बदल झाले आहेत, पाहा…

या सामन्यापूर्वी दिल्लीचा संघ सात लढती खेळला होता. या सात सामन्यांमध्ये दिल्लीच्या संघाने पाच विजय मिळवले होते, तर त्यांना दोन सामन्यांत पराभव पत्करावा लागला होता. त्यामुळे दिल्लीचा संघ हा गुणतालिकेत दुसऱ्या स्थानावर होता. पण आजच्या सामन्यात दिल्लीने राजस्थानवर अखेरच्या षटकात १३ धावांनी विजय मिळवला. या विजयासह दिल्लीला दोन गुण मिळाले आहेत. त्यामुळे दिल्लीने विजयानंतर गुणतालिकेत मुंबई इंडियन्सला धक्का दिल्याचे पाहायला मिळाले आहे. कारण दिल्लीने या विजयानंतर गुणतालिकेत अव्वल स्थान पटकावले आहे. त्यामुळे मुंबईला दुसऱ्या स्थानावर समाधान मानावे लागणार आहे. त्याचबरोबर आतापर्यंतच्या या आयपीएलमध्ये १२ गुण पटकावणारा दिल्लीचा पहिलाच संघ ठरला आहे. त्यामुळे १२ गुणांसह दिल्लीचा संघ हा अव्वल स्थानावर विराजमान झाला आहे.

या सामन्यापूर्वी राजस्थानचा संघ हा सात सामने खेळला होता. सात सामन्यांमध्ये राजस्थानच्या संघाने तीन विजय मिळवले होते, तर चार सामन्यांमध्ये त्यांना पराभव पत्करावा लागला होता. आजच्या सामन्यात राजस्थानच्या संघाला दिल्लीकडून पराभव पत्करावा लागला. त्यामुळे आता आठ सामन्यांमध्ये राजस्थानचे पाच पराभव झाले आहे. या सामन्यापूर्वी राजस्थानचा संघ हा गुणतालिकेत सातव्या स्थानावर होता. या पराभवानंतरही गुणतालिकेत त्यांचे सातवे स्थान कायम राहीले आहे.

सध्याच्या घडीला गुणतालिकेत अव्वल क्रमाकांवर दिल्लीचा संघ विराजमान झाला आहे. त्यानंतर दुसऱ्या स्थानावर मुंबई इंडियन्सचा संघ आहे. तिसऱ्या स्थानावर विराट कोहलीच्या नेतृत्वाखालील आरसीबीचा संघ आहे. चौथ्या स्थानावर कोलकाता नाइट रायडर्स कायम आहे. हैदराबादचा संघ गुणतालिकेत पाचव्या क्रमांकावर आहे, तर महेंद्रसिंग धोनीच्या नेतृत्वाखालील चेन्नई सुपर किंग्सचा संघ हा सहाव्या स्थानावर आहे.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here