म. टा. प्रतिनिधी, : भांडणाच्या रागातून एकावर लोखंडी हत्याराने वार करुन त्याला जीवे ठार मारण्याचा प्रयत्न केल्याप्रकरणी तिघा आरोपींना कोर्टाने पाच वर्षे सक्त मजुरी व प्रत्येकी पाच हजार रुपये दंडाची शिक्षा सुनावली. जिल्हा व सत्र न्यायाधीश एस. एच. ग्वालानी यांच्या कोर्टाने हा निकाल दिला.
याप्रकरणी, गौस उर्फ माया दस्तगीर शेख (वय ३४), इलियास इसाक बागवान (२९), शाहाबाज उर्फ चिन्या सादिक बागवान (२४, सर्व रा. कोंढवा) या तिघांना शिक्षा सुनावण्यात आली. या प्रकरणी परवेज इकबाल पटवेकर ( वय – २७, रा. गुरुवार पेठ) याने फिर्याद दाखल केली होती.
या खटल्याचे कामकाज सरकारी वकील विलास घोगरे पाटील यांनी पाहिले. या खटल्यात त्यांनी दहा साक्षीदार तपासले. न्यायालयीन कामकाजात लष्कर पोलीस ठाण्याचे पोलीस कॉन्स्टेबल योगेश होले यानी मदत केली. फिर्यादी तर्फे अँड. प्रकाश सूर्यवंशी यांनी काम पाहिले.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
