सेंच्युरी रेयॉन कंपनीत कामगार असलेला अरुण सदन हा गेल्या १६ वर्षांपासून कम्पनीत काम करत होता. त्यामुळे त्याला कम्पनीच्या वसाहतीतील घर हवे होते. त्यासाठी तो कम्पनीत पाठपुरावा करत होता, अरुण सदन गुरुवारी कम्पनीच्या आवारात वावरत असतांना यावेळी कम्पनीचे सहायक संचालक आर चितलांगे हे त्याच परिसरातून जात होते, त्यामुळे त्याने त्यांच्याशी घराबाबत बोलणी केली, मात्र त्यानंतर अचानक अरुण याने चितलांगे यांच्यावर चाकूने हला केला, या हल्ल्यात चितलांगे यांच्या पोटावर आणि हातावर जखम झाली, हा हल्ला होताच कम्पनीच्या सुरक्षा रक्षकांनी त्यांच्या बचावासाठी धाव घेतली. या हल्ल्यात अरुण याने एका सुरक्षाकालाही जखमी केल्याचे पोलिसांनी सांगितले. त्यानंतर अरुण याला सुरक्षा रक्षकांनी पोलिसांच्या हवाली केले आहे, या प्रकरणी उल्हासनगर पोलीस स्टेशनमध्ये गुरुवारी रात्री उशिरापर्यंत गुन्हा दाखल करण्याची प्रक्रिया सुरू असल्याची माहिती सहायक पोलिस आयुक्त आर टेले यांनी दिली आहे. तर कडेकोट सुरक्षा असलेल्या सेंच्युरी कम्पनीत आवारात अरुण हा चाकू घेऊन कसा गेला यामुळे कम्पनीच्या सुरक्षेवर प्रश्नचिन्ह उवस्थित झाले आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
