मिळालेल्या माहितीनुसार, पोलीस ठाण्याच्या हद्दीतील काळेवाडीच्या तुळजाभवानी नगरमध्ये आज, शुक्रवारी पहाटेच्या सुमारास घरात झोपलेल्या दोन महिलांवर प्राणघातक हल्ला झाला. या हल्ल्यात छाया गुंजाळ यांचा मृत्यू झाला. तर मुलीची आई जखमी झाली आहे. त्यांची प्रकृती गंभीर असल्याचे समजते. मुलीच्या बाळंतपणासाठी तिची आई सासरी तुळजाभवानी नगरमध्ये आली होती. दोघी विहिणी हॉलमध्ये झोपल्या होत्या. आजूबाजूची आणि घरातील वीजपुरवठा खंडीत करून हल्लेखोरांनी दोघींच्या चेहऱ्यावर, डोक्यावर जड वस्तूने प्रहार केले. यात दोघी जखमी झाल्या. छाया यांचा मृत्यू झाला. तर नातेवाइक महिलेची प्रकृती गंभीर असल्याचे सांगण्यात येत आहे.
विशेष म्हणजे, पहाटे हा खुनी हल्ला झाला त्यावेळी संपूर्ण कुटुंब घरातील आतल्या खोलीत गाढ झोपले होते. घटनेची माहिती मिळताच, पोलीस आयुक्त कृष्ण प्रकाश आणि अन्य पोलीस अधिकारी, कर्मचारी हे घटनास्थळी पोहोचले. त्यांनी घटनास्थळाची पाहणी केली. सूत्रांच्या माहितीनुसार, घरातील वादातून हा प्रकार घडल्याचा संशय व्यक्त केला जात आहे. पोलिसांनी तपास सुरू केला आहे. हल्लेखोरांचा शोध घेतला जात आहे.
आणखी बातम्या वाचा:
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
