लेफ्टनंट कमांडर या महिला अधिकाऱ्याची रशियातील दुतावासात नौदल अधिकारी म्हणून नियुक्ती झाली आहे. नौदलाच्या देशाबाहेरील मिशनसाठी पहिल्यांदाच महिलेची नियुक्ती या निमित्ताने झाली आहे.
प्रत्येक दूतावासात तिन्ही दलांचा एक अधिकारी असतो. या अधिकाऱ्याला अताशे (Attachie) म्हणतात. हे प्रतिष्ठित पद असते. त्यात पहिल्यांदाच एका महिलेची या निमित्ताने नियुक्ती झाली आहे. आतापर्यंत भारतीय नौदलात डिफेन्स डिप्लोमॅट पदावर केवळ पुरुषांचीच नियुक्ती झाली आहे. असिस्टंट नेवी अताशे हे पद सांभाळण्यासाठी कारबी गोगोई यांना रशिया येथील भारतीय दूतावासात पाठवण्यात येणार आहे. गोगोई या अशाप्रकारची राजनैतिक मुत्सदेगिरीच्या क्षेत्रात निवड झालेल्या दुसऱ्या महिला अधिकारी आहेत. यापूर्वी विंग कमांडर अंजली सिंह भारताच्या पहिल्या महिला राजनैतिक अधिकारी बनल्या होत्या.
गोगोई या सध्या नौदलाच्या कारवाड बेसवर नौदल इंजिनीअर पद सांभाळत आहेत. त्या आपल्या दैनंदिन कामकाजातून वेळ काढून रशियन भाषाही शिकत आहेत.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
