मुंबई: अभिनेता सुशांतसिंह राजपूत मृत्यू प्रकरणी तीन-तीन तपास यंत्रणांनी चौकशी करूनही काहीच निष्पन्न झाले नाही. नार्कोटिक्स कंट्रोल ब्युरो मार्फत चौकशीसुद्धा जनतेची दिशाभूल करण्याकरता केली गेली आणि ती फार्सच ठरली. या प्रकरणात भाजपचा ड्रग अँगल आला होता आणि मोदींच्या बायोपीक निर्मात्यांचे नावही चर्चेत आले होते म्हणून बॉलीवूड व ड्रग कनेक्शनची चौकशी करावी, अशी मागणी काँग्रेसने ३१ ऑगस्ट २०२० रोजी केली होती त्या मागणीचा पुनरुच्चार करण्यासाठी आज शिष्टमंडळाने गृहमंत्री यांची भेट घेतली. यावेळी देशमुख यांनी हे प्रकरण गंभीर असल्याचे नमूद केले. ( Home Minister On BJP-Bollywood Drug Connection )

वाचा:

महाराष्ट्र प्रदेश काँग्रेस कमिटीचे सरचिटणीस व प्रवक्ते सचिन सावंत यांच्या नेतृत्वाखालील शिष्टमंडळात काँग्रेस प्रवक्ते डॉ. राजू वाघमारे व रत्नाकर सिंह हेही होते. शिष्टमंडळाने या संपूर्ण प्रकरणाकडे गृहमंत्र्यांचे लक्ष वेधले व निवेदन सादर केले. यासंदर्भात बोलताना सचिन सावंत म्हणाले की, हे ड्रग कनेक्शनचे प्रकरण अत्यंत गंभीर आहे, असे गृहमंत्री देशमुख यांनी म्हटले असून विवेक ओबेरॉयचे भाजपाशी घनिष्ठ संबंध आहेत, ते भाजपाचे स्टार प्रचारक राहिले आहेत. या अगोदर या प्रकरणाच्या चौकशीसाठी महाराष्ट्र सरकारतर्फे राष्ट्रीय तपास यंत्रणांना विनंती करण्यात आली होती, परंतु या तपास यंत्रणांवर मोठा दबाव असल्याचे दिसते, तरीदेखील पुन्हा एनसीबीकडे या मागणीचा पुनरुच्चार केला जाईल आणि त्यांनी चौकशी केली नाही तर मुंबई पोलीस चौकशी करतील, असे आश्वासन गृहमंत्री देशमुख यांनी दिले आहे, असे सावंत यांनी सांगितले.

वाचा:

‘भारतीय जनता पक्षाच्या बॉलिवूड ड्रग कनेक्शन संदर्भातील सर्व पुरावे हे राज्य सरकारतर्फे गृहमंत्री अनिल देशमुख यांनी राष्ट्रीय तपास यंत्रणांकडे सोपवले होते परंतु या माहिती अन्वये एनसीबीने अद्याप चौकशी केलेली नाही. या प्रकरणात पंतप्रधान नरेंद्र मोदी यांच्या बायोपीक निर्मात्याचे नाव येत होते. त्या निर्मात्याची चौकशी करण्याची मागणी भाजप नेते सुब्रमण्यम स्वामी यांनी देखील केली होती परंतु त्या दिशेने तपासच केला गेला नाही. राज्य सरकारने विनंती करूनही याचा तपास केला गेला नाही. या संदर्भात संदीप सिंह व यांचे नाव येत होते. ड्रग कनेक्शन संदर्भात बेगळुरु पोलिसांनी मुंबईत येऊन अभिनेता विवेक ओबेरॉयच्या घरी छापे मारले परंतु राष्ट्रीय तपास यंत्रणांना वेळ मिळत नाही, हे आश्चर्याचे आहे’, असे सावंत यांनी पुढे नमूद केले.

वाचा:

काँग्रेसचं तपासावर प्रश्नचिन्ह

या सदंर्भात काही महत्त्वाचे प्रश्न अद्यापही अनुत्तरीत राहिले आहेत. बॉलिवूडमध्ये इतके मोठे निर्माते असताना केवळ संदीप सिंह याच्याच कंपनीची निवड बायोपीकसाठी का केली? सदर बायोपीकच्या पोस्टर अनावरणासाठी तत्कालीन मुख्यमंत्री देवेंद्र फडणवीस आपला अमूल्य वेळ काढून गेले होते. सदर संदीप सिंहचा पार्टनर हा अभिनेता विवेक ओबेरॉय आहे. या दोघांनी मोदींचा बायोपीक काढला आहे, तसेच मोदींची भूमिकाही विवेकनेच केली आहे. विवेक ओबेरॉय गुजरातमध्ये भाजपाचे स्टार प्रचारक होते. केवळ या दोघांच्या कंपनीलाच गुजरात सरकारने बोलवून व्हायब्रंट गुजरातमध्ये १७७ कोटी रुपयांचा करार केला होता. कर्नाटकमध्ये भाजपाच्या प्रचारात सामिल झालेली अभिनेत्री रागिनी व्दिवेदी ही सँडलवूड ड्रग रॅकेटमध्ये पकडली गेली आहे. तिच्याबरोबर १२ लोकांवर ड्रग पेडलींगचा गुन्हा दाखल केलेला आहे. या १२ लोकांमध्ये आदित्य अल्वा नावाचा व्यक्ती देखील असून तो अद्याप फरार आहे आणि आदित्य अल्वा हा विवेक ओबेरॉयचा सख्खा मेव्हणा आहे. ही सर्व माहिती चौकशीकरता दिली होती परंतु राष्ट्रीय तपास यंत्रणांनी अद्याप यावर कोणतीही कारवाई केलेली नाही, असा दावा सावंत यांनी केला आहे.

वाचा:

५३ वेळा फोन कुणाला केला?

बेंगळुरु पोलिसांनी काल १५ ऑक्टोबरला अभिनेता विवेक ओबेरॉयच्या मुंबईतील घरी छापे मारले त्याच दिवशी लॉकडाऊन नंतर देशभरात जो पहिला चित्रपट प्रदर्शित करण्यात आला तो नरेंद्र मोदींचा बायोपीक होता. हा नियतीने ठरवलेला योगायोग आहे. महाराष्ट्र भाजप कार्यालयात संदीप सिंहने ५३ वेळा कोणाला फोन केला याचे उत्तरही अजून मिळालेले नाही, असेही सावंत म्हणाले.

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here