कोविडसारख्या महाभयंकर संकटातून बाहेर पडण्यासाठी करोनायोद्धे जिवाचं रान करत आहेत. या कठीण काळातही ते स्वत:ची पर्वा न करता नागरिकांच्या सेवेसाठी तत्पर आहेत. याच योद्ध्यांना मानवंदना देण्याचा प्रयत्न तेजस्विनी करणार आहे. ‘यंदा फोटोशूट करताना खूप मर्यादा होत्या. त्यातही नियमांचं पालन करुन आणि सुरक्षेच्या दृष्टीनं काळजी घेऊन एक छोटासा प्रयत्न केला आहे. त्यातून योद्ध्यांप्रती असलेल्या माझ्या भावना त्यांच्यापर्यंत पोहोचतील अशी आशा आहे. तसंच तो प्रयत्न लोकांनाही आवडेल अशी अपेक्षा आहे’, असं तेजस्विनी सांगते.
गेल्या वर्षी तेजस्विनीनं फोटोंच्या माध्यमातून विविध सामाजिक विषयांवर प्रकाश टाकण्याचा प्रयत्न केला होता. ते फोटो मोठ्या प्रमाणात व्हायरल झाले होते. त्यामुळे तेजस्विनी यंदा काय घेऊन येणार आहे, कशा प्रकारे आपल्या कलाकृती मांडणार आहे याबाबत सोशल मीडियावर चर्चा रंगली आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
