सोलापूरः पश्चिम आणि मराठवाड्यातील काही जिल्ह्यांना अतिवृष्टीचा तडाखा बसला आहे. पूरपरिस्थितीची प्रत्यक्ष पाहणी करून शेतकरी, ग्रामस्थांना भेटण्यासाठी मुख्यमंत्री आज सोलापूर जिल्ह्यांच्या दौऱ्यावर आहेत. यावेळी मुख्यमंत्र्यांनी ग्रामस्थांना हे शेतकऱ्यांचं सरकार आहे, धीर सोडू नका प्रशासन तुमच्या पाठीशी खंबीर पणे उभं आहे, अशा शब्दांत धीर दिला आहे.

मुख्यमंत्री उद्धव ठाकरे यांनी सांगवी, अक्कलकोट येथील अतिवृष्टीग्रस्त शेतकऱ्यांशी संवाद साधत अतिवृष्टीमुळं झालेल्या नुकसानीची पाहणी केली. तेव्हा, नुकसानभरपाई देण्यासाठी सरकार खंबीर असून नुकसानभरपाई मिळणारच आहे. परंतु या संकटाशी सामना करताना धीर सोडू नका, अशा शब्दांत मुख्यमंत्र्यांनी शेतकऱ्यांना धीर दिला आहे.

‘किती नुकसान झालंय याचं पंचनामे सुरू आहेत, माहिती घेतली जात असून माहिती येताच त्यावर आभ्यास करत बसणार नाही. तात्काळ मदत जाहिर करू. गरज पडल्यास केंद्राकडे मदत मागू, अशी ग्वाही मुख्यमंत्र्यांनी दिली आहे. तसंच, मुख्यमंत्र्यांकडून ११ नुकसानग्रस्तांना धनादेश देण्यात आले आहेत.

याशिवाय, सध्या पाऊस थांबला आहे, पण पुढच्या दोन दिवसात पावसाचा इशारा आहे. नुकसानभरपाई तर देऊच, मात्र सगळ्यांनी सावध राहा. मी दिलासा देण्यासाठी आलोय. काळजी घ्या, आम्ही तुमच्या सोबत आहोत, असा दिलासा मुख्यमंत्र्यांनी दिला आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here