म. टा. प्रतिनिधी, सांगली: शेतातील काम आटोपल्यानंतर हात पाय धुण्यासाठी विहिरीवर गेलेल्या दोघी सख्ख्या जावांचा मृत्यू झाला. हा प्रकार मालगाव (ता. मिरज) येथे मंगळवारी दुपारी घडला. अर्चना सूरगुंडा पाटील (वय ३५) आणि सारिका महावीर पाटील (३२, दोघी रा. मालगाव, ता. मिरज) अशी मृत महिलांची नावे आहेत. शेतात काम करणाऱ्या इतर नातेवाईकांना दोघी विहिरीत बुडत असल्याचे लक्षात येताच त्यांनी आरडाओरडा करीत विहिरीकडे धाव घेतली. मात्र, त्यांना वाचवण्यात यश आले नाही. मिरज येथील रेस्क्यू फोर्सला माहिती देताच एक पथक दाखल झाले. पथकाने १५ मिनिटात दोन्ही मृतदेह विहिरीतून बाहेर काढले. मिरज ग्रामीण पोलिसांनी पंचनामा करून दोन्ही मृतदेह उत्तरीय तपासणीसाठी मिरज येथील शासकीय रुग्णालयात पाठवले. या घटनेची नोंद मिरज ग्रामीण पोलिस ठाण्यात करण्यात आली.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here