बेंगळुरू : नवरात्री सोबतच ई-कॉमर्स कंपन्यांचा शॉपींग फेस्टिव्हल सुरु झाला आहे. जास्तीत जास्त सवलती आणि आकर्षक ऑफर्समधून प्रत्येक कंपनी ग्राहकांना भूरळ पडत आहेत. करोना संकटाचा काळ असून देखील कंपन्यांसाठी हा सीझन लाभदायक ठरला आहे. अवघ्या चार दिवसात चार बड्या ई-कॉमर्स कंपन्यांनी देशभरात तब्बल २२००० कोटींची विक्री करत बक्कळ कमाई केली आहे.

रेडसीर या संस्थेने केलेल्या सर्वेक्षणानुसार फ्लिपकार्ट, ऍमेझॉन, मायंत्रा आणि स्नॅपडिल या चार कंपन्यांनी फेस्टिव्ह सीझनच्या सुरुवातीच्या ४.५ दिवसात ३.१ अब्ज डॉलर्सची (२२००० कोटी रुपये) विक्री केली आहे. विशेष म्हणजे गेल्या वर्षीच्या तुलनेत ही विक्री जास्त आहे. गेल्या वर्षी फेस्टिव्ह सीझनच्या पहिल्या ४.५ दिवसात ई-कॉमर्स कंपन्यांची २.७ अब्ज डॉलर्सची विक्री झाली होती.

यंदा टाळेबंदीने ग्राहकांच्या अनेक सवयी बदलल्या आहेत. ज्याचा फायदा ई-कॉमर्स कंपन्यांना झाला आहे. त्याशिवाय कंपन्यांनी देखील काळानुरूप आपली स्ट्रॅटेजी बदलली आहे. ज्यात कंपन्या ग्राहकांना क्रेडीट ऑफरिंग देत आहेत. निमशहरी भागातील ग्राहकांचा ऑनलाइन शॉपींगला चांगला प्रतीसाद मिळत असल्याचे ‘रेडसीर’ने आपल्या अहवालात म्हटलं आहे.

स्नॅपडीलचा दिवाळी सेल २० ऑक्टोबर रोजी संपला. यात ७० टक्के ऑर्डर्स या पाच प्रमुख शहरांपलीकडील छोट्या शहरांतून प्राप्त झाल्या. एमेझॉनचे ९१ टक्के नवे ग्राहक हे द्वितीय स्तरातील शहरांतून मिळाले. फ्लिपकार्टला जवळपास ६५ टक्के ग्राहक हे छोट्या शहरांतून मिळले आहेत. फ्लिपकार्टच्या बिग बिलियन डे ही सवलत योजना २१ ऑक्टोबर रोजी समाप्त झाली. या सिझनमध्ये स्मार्टफोन विक्रीत मोठी वाढ झाली आहे.

सर्वच ई-कॉमर्स कंपन्यांसाठी सणासुदीचा काळ अत्यंत महत्त्वाचा मानला जातो. विशेषतः इलेक्ट्रॉनिक्स, फॅशन आणि गृह फर्निचर यांना या काळात मोठी मागणी असते. त्यामुळे दसरा, दिवाळी हे मोठे सण डोळ्यांसमोर ठेवून ई-कॉमर्स कंपन्या मोठी व्यावसायिक गुंतवणूकही करतात.

दरवर्षी गणेशोत्सवापासून सुरू होणाऱ्या, त्यातही नवरात्र आणि दिवाळी हे मोठे सण असणाऱ्या काळात अॅमेझॉन व फ्लिपकार्ट या दोन्ही आघाडीच्या ई-कॉमर्स कंपन्या मोठ्या प्रमाणावर नोकरभरती करतात. यावर्षी अॅमेझॉनने केलेल्या या नोकरभरतीमुळे माल हाताळणी आणि मागणीप्रमाणे माल पोहोचवणे याची गुणवत्ता वाढवता येणार आहे. त्याचप्रमाणे ग्राहकांच्या मागण्या पूर्ण करण्यासाठी तत्परता दाखवणे शक्य होणार आहे, असा विश्वास अॅमेझॉनने एका निवेदनाद्वारे व्यक्त केला होता .

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here