म. टा. खास प्रतिनिधी, मुंबई

संकटामुळे लावण्यात आलेल्या लॉकडाउनमुळे नियंत्रणात असलेल्या मुंबईतील चोऱ्या आणि पुन्हा एकदा वाढू लागल्या आहेत. लॉकडाउन असल्याने एप्रिल, मे आणि जून महिन्याच्या कालावधीत घरफोडीच्या घटनांमध्ये कमालीची घट झाली होती. मात्र लॉकडाउन शिथिल होताच मुंबईकर कामानिमित्त घराबाहेर पडू लागताच घरफोड्या वाढून लागल्या आहेत.

सायन येथे वास्तव्यास असलेल्या अनुभा जडेजा यांचे वडाळा येथे साबुदाणा, बिस्किट व सिगारेट विक्रीचे दुकान आहे. दुकानात विक्री झालेल्या साहित्यातून आलेली रक्कम जडेजा दुकानात ठेवून दुसऱ्या दिवशी बँकेत भरतात. १४ ऑक्टोबर रोजी त्यांनी जमलेली पाच लाख ३० हजाराची रक्कम दुकानातील कपाटात ठेवली आणि दुकान बंद करून निघून गेले. दुसऱ्या दिवशी दुकान उघडले, त्यावेळी दुकानाचे सिमेंटचे पत्रे आतून तुटले होते. चोरट्यांनी रोकड आणि सिगारेटचे काही बॉक्स असा सुमारे पाच लाख ७५ हजारांचा ऐवज चोरट्यांनी पळविला. जोगेश्वरी येथील गुलशन जीवानी यांच्या खिडकीची लोखंडी जाळी तोडून चोरांनी सुमारे एक लाखाचे दागिने लंपास केले. बेहराम बाग येथील रहिवासी अजित यादव यांच्या घराचे कुलूप तोडून दोन मोबाइल आणि इतर किंमती साहित्य घेऊन गेले.

अभिनेते गणेश यादव यांच्या घरात चोरी
प्रसिद्ध अभिनेते गणेश यादव यांच्या अंधेरी येथील घरात चोरांनी हातसफाई केली. यादव आणि त्यांचे कुटुंबीय घरात झोपले असताना खिडकी तोडून घरात शिरलेल्या चोराने महागडा लॅपटॉप आणि आयफोन लंपास केला. याबाबत यादव यांनी अंधेरी पोलिस ठाण्यात तक्रार केली आहे.

हे लक्षात ठेवा
दरवाज्याला कडी-कुलूप न लावता ‘लॅच’चा वापर करावा

रोकड घरात ठेवू नये. दागिने बँकेच्या लॉकरमध्ये ठेवावेत.

रात्रीच्या वेळी घराबाहेर पडताना घरातील दिवे चालू ठेवावे.

शक्य असल्यास सुरक्षारक्षक नेमावा.

सीसीटीव्ही कॅमेरे तसेच सायरनचा वापर करावा.

घराबाहेर जात असल्याची कल्पना शेजारी, सुरक्षारक्षकाला द्या.

मुंबईतील घरफोड्या आणि चोऱ्या

गुन्हे जाने. फेब्रु. मार्च एप्रिल मे जून जुलै ऑगस्ट सप्टे.

घरफोडी १९१ १४२ ११० ६६ ४९ १०५ १७६ १७१ १७६

चोरी ५१४ ४८३ ३०१ ३४ ५१ १२६ २१० २८२ २८१

वाहनचोरी २४६ २०२ १९३ ८४ १५८ २३५ २४१ २५० २९३

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here