तर, दुसरीकडे करोनाबाधितांची संख्या वाढत असताना युरोपीय देशांची काळजी आणखी एका कारणामुळे वाढली आहे. युरोपात करोनाची दुसरी लाट आली असताना करोनाबाधितांमध्ये वृद्धांची संख्या मोठी असल्याचे समोर आले असल्याचे ‘सीएनएन’ने म्हटले आहे. युरोपीयन सेंटर फॉर डिजीस प्रीव्हेंशन अॅण्ड कंट्रोलने याबाबतचा इशारा जारी केला आहे. जवळपास १३ युरोपीयन देशांमध्ये ६५ वर्ष व त्याहून अधिक वयाच्या नागरिकांमध्ये संसर्ग फैलावत असल्याचा इशारा देण्यात आला आहे. फ्रान्समध्ये मागील सहा आठवड्यात ६५ व त्यावरील अधिक वयांच्या बाधितांची संख्या तीनपटीने वाढली आहे.
वाचा:
करोनाच्या पहिल्या लाटेत बाधितांमध्ये वृद्धांची संख्या मोठी होती. त्यामुळे मृतांची संख्या वाढत असल्याचे समोर आले होते. करोनाच्या संसर्गामुळे होणाऱ्या मृत्यूंमध्ये वृद्धांचे प्रमाण अधिक आहे. वृद्धांना करोनाची बाधा झाल्यास आजारातून बरे होण्यासही वेळ लागतो. त्याचा भार रुग्णालयावर अधिक येत असल्याचे पहिल्या लाटेच्या वेळेस समोर आले. त्यामुळेच चिंता व्यक्त केली जात आहे.
वाचा:
वाचा:
फेरसंसर्गाचे प्रमाण दुर्मिळ
मेलबर्न : कोव्हिड-१९च्या रुग्णांवर उपचार करताना मेलबर्नमध्ये फेरसंसर्ग झाल्याच्या केसेस दुर्मीळ प्रमाणात आढळल्याचे ऑस्ट्रेलियातील प्रशासनाने म्हटले आहे. एकेकाळी करोनाचा हॉटस्पॉट असलेल्या व्हिक्टोरिया राज्यात जुलैमध्ये करोनाबाधित आढळलेल्या रुग्णाला मंगळवारी पुन्हा संसर्ग झाल्याचे दिसून आले. तज्ज्ञांच्या समितीने या रुग्णात जुलैमधील संसर्गाच्या विषाणूंचा अवशेष राहिल्याचे न मानता, ही केस फेरसंसर्गाची असल्याचे वर्गीकरण केले आहे, असे व्हिक्टोरियाचे मुख्यमंत्री डॅन अँड्र्यूज यांनी म्हटले आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
