हे प्रकरण बागपत जिल्ह्यातील रमाला पोलिस ठाण्यातील आहे. या पोलिस ठाण्यात नियुक्त उपनिरीक्षक इंतेसार अली यांना परवानगीशिवाय दाढी ठेवल्याबद्दल बागपतच्या पोलिस अधीक्षकांनी निलंबित केलंय. तीन वेळा सूचना देऊनही दाढी न कापल्याने ही उपनिरीक्षकावर ही कारवाई करण्यात आली.
इंतेसार अली हे विभागाची परवानगी न घेताच दाढी ठेवत होते. दाढी कापण्यासाठी त्यांना अनेक वेळा सूचना देण्यात आली. तरीही उपनिरीक्षकांनी सूचनांकडे दुर्लक्ष केलं. यामुळे त्यांच्यावर निलंबनाची कारवाई करण्यात आली आहे, अशी माहिती या बागपतचे पोलिस अधीक्षक अभिषेक सिंह यांनी दिली.
पोलिसांच्या नियमावलीनुसार केवळ शिखांना दाढी ठेवण्याची परवानगी आहे. आणि इतर सर्व पोलिसांना दाढी करणं आवश्यक आहे. पण एखाद्या पोलिस कर्मचार्‍याला दाढी ठेवायची असेल तर त्याला विभागाची परवानगी घेणं आवश्यक आहे. दाढी ठेवण्यासाठी विभागाची परवानगी घ्यावी, असं इंतेसार अली यांनी वारंवार सांगितलं गेलं. पण त्यांनी त्यांचं पालन केलं नाही आणि परवानगीशिवाय दाढी ठेवली, असं
अभिषेक सिंह म्हणाले.
इंतेसार अली हे पोलिस निरीक्षक म्हणून तीन वर्षांपूर्वी पोलिस दला रूजू झाले. बागपतमध्ये त्यांना नियुक्त करण्यात आलं होतं. तर या संपूर्ण प्रकरणावर अली यांनी उत्तर दिलंय. आपण विभागाकडे दाढी ठेवण्याची परवानगी मागितली होती. पण त्यावर कोणताही प्रतिसाद मिळाला नाही. आता या घटनेवरून सोशल मीडियावर जोरदार चर्चा होत आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
