जळगाव: माझ्यासोबत १५ ते १६ माजी आमदार आहेत. ते माझ्यासोबत उद्या मुंबईत येणार आहेत. काही विद्यमान आमदारही माझ्यासोबत आहेत, पण पक्षांतर बंदी कायद्यामुळे त्यांना पक्ष सोडण्यास अडचण असल्याची माहीती यांनी मुक्ताईनगर येथे पत्रकरांशी बोलताना दिली. यावेळी त्यांनी काँग्रेसला आमच्या भागात नेतृत्त्व नसल्यानेच मी राष्ट्रवादीची निवड केल्याचेही स्पष्ट केले. ( Latest News Updates )

वाचा:

एकनाथ खडसे यांनी भाजपचा राजीनामा दिल्यानंतर, आज मुक्ताईनगरातील त्यांच्या फार्महाऊसवर काही वृत्तवाहिन्यांसह पत्रकारांशी संवाद साधला. यावेळी त्यांनी पुन्हा एकदा फडणवीसांवर हल्ला चढविला. फडणविसांनी माझी बाजू वरिष्ठांजवळ चुकीची मांडल्याचा आरोप देखील केला. यावेळी खडसे यांनी सांगितले की, या प्रकरणात मी एकच बाजू मांडल्याचे फडणवीस आता म्हणत आहेत. उर्वरित बाजू ते वेळ आल्यानंतर सर्वांसमोर आणणार आहेत. पण मग गेली साडेचार वर्षे ते कुठे गेले होते. मी सातत्याने न्यायाची मागणी करत असताना, माझा गुन्हा काय, ते विचारत असताना त्यांनी चालढकल का केली? असा सवाल देखील खडसे यांनी फडणवीसांना केला. मला न्याय मिळत नसल्यानेच मी माझ्या समर्थकांशी चर्चा करून अखेर पक्षांतर करण्याचा हा निर्णय घेतला आहे. माझ्यासोबत १५ ते १६ माजी आमदार आहेत. ते उद्या मुंबईत येणार आहेत. काही विद्यमान आमदारही माझ्यासोबत आहेत, पण पक्षांतर बंदी कायद्यामुळे त्यांना पक्ष सोडण्यास अडचण आहे. एवढ्या आमदारांनी राजीनामे दिले तर निवडणूक घेणे शक्य नाही, असे सूचक वक्तव्यही खडसे यांनी केले.

वाचा:

व काँग्रेसकडूनही ऑफर होती

राष्ट्रवादीला आमच्या भागात नेतृत्व नसल्यानेच मी राष्ट्रवादीची निवड केली. मला शिवसेना, काँग्रेसकडूनही ऑफर होतीच, असेही त्यांनी स्पष्ट केले. आपल्याबाबतीत पक्षाने घेतलेला सामूहिक निर्णय असेल म्हणून मी न्यायाची अपेक्षा करत होतो. एकेक विषयावर मी फडणवीस यांच्याकडे न्यायाची अपेक्षा करत होतो. माझ्याबाबतीत जे काही घडले ते जनतेला माहिती आहे, असेही खडसे म्हणाले.

केवळ चंद्रकांत पाटील यांनीच घातली गळ

साडेचार वर्षे मी पक्षाकडून न्यायाच्या अपेक्षेत होतो. पण माझी पक्षाकडून दखल घेतली गेली नाही. खोट्या केसेस माझ्यावर फडणवीसांनी दाखल करायला लावल्या. त्यात मी एकटा लढून बाहेर पडलो. यांनी माझ्याबाबतीत वरिष्ठ लोकांकडे चुकीची माहिती सादर केली. त्यात मला न्याय मिळणार नाही, अशी खात्री झाल्यानंतर मी पक्ष सोडण्याचा निर्णय घेतला. त्यानंतर केवळ चंद्रकांत पाटील यांनीच मला जाऊ नका म्हणून आवाहन केले, असे खडसे म्हणाले. देवेंद्र फडणवीसांमुळेच भाजपचे सरकार येऊ शकले नाही, असा आरोपही पुन्हा खडसे यांनी केला. फडणवीसांनी पाच वर्षे सरकार असताना केलेले काम होते, युती होती, अशा सर्व गोष्टी उपलब्ध असताना त्यांना सरकार का आणता आले नाही? असा माझा प्रश्न आहे. माझ्यासह चंद्रशेखर बावनकुळे, प्रकाश मेहता हे नेते सातत्याने निवडून येणारे होते. यांची तिकिटे का कापली? याचेही उत्तर फडणवीसांनी का दिले नाही. फडणवीसांनी माझ्यावर खोट्या केसेस करायला मदत केली. मी केवळ आणि केवळ फडणवीसांमुळेच पक्ष सोडण्याचा निर्णय घेतला, असा पुनरूच्चार खडसे यांनी केला. पक्षाला मोठे करण्यात थोडा का होईना आमचाही वाटा होताच. मात्र, आम्हाला का बाजूला सारण्यात आले. अशा पद्धतीने पक्ष सोडावा लागला आता तरी तुम्ही चिंतन करणार आहात की नाही? असा टोलाही त्यांनी शेवटी फडणवीसांना लगावला.

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here