मुंबईः महाराष्ट्राचे माजी मुख्यमंत्री व विरोधी पक्ष नेते यांना करोनाची लागण झाली आहे. फडणवीस यांना पुढील उपचारांसाठी सरकारी रुग्णालयांत दाखल करण्यात आलं आहे.

देवेंद्र फडणवीस यांनी करोनाची लागण झाल्यानंतर सरकारी रुग्णालयांत जाण्याचा निर्णय घेतल्यानं सगळ्यांनीच आश्चर्य व्यक्त केलं आहे. पण त्याला कारण ही तसंच आहे. लॉकडाऊनच्या काळात देवेंद्र फडणवीस राज्यभरात कोव्हिड रुग्णालयांत जाऊन पाहणी करत होते. त्यामुळं त्यांनाही करोनाचा संसर्ग होण्याची भीती असताना त्यांनी गिरीश महाजन यांना फोन करून मला कोविड झाला तर मुंबईत सरकारी रुग्णालयात भरती करा, खासगी रुग्णालयात दाखल करू नका, अशी सूचना त्यांनी केली होती. त्यानुसारच त्यांना सरकारी रुग्णालयात दाखल करण्यात आलं आहे.

देवेंद्र फडणवीस यांनी ट्विट करून करोना संसर्ग झाल्याची माहिती दिली आहे. लॉकडाऊन सुरू झाल्यापासून आलेला प्रत्येक दिवस हा कार्यरत राहण्यात गेला. पण आता काही काळ विश्रांती घेतली पाहिजे, अशी परमेश्वराची इच्छा असावी. माझी कोविड चाचणी पॉझिटिव्ह आली असून मी स्वतःला आयसोलेट केले आहे. डॉक्टरांच्या सल्ल्यानुसार औषधोपचार घेतो आहे. माझ्या संपर्कात आलेल्यांनी स्वतःची चाचणी करून घ्यावी. सर्वांनी स्वतःची काळजी घ्यावी, असं फडणवीसांनी ट्विट केलं आहे.

लॉकडाऊनच्या काळात देवेंद्र फडणवीस हे सातत्याने राज्यात दौरे करत होते. गेल्या सात महिन्यांत त्यांनी अनेक रुग्णालयांना भेटी दिल्या होत्या. त्याचबरोबर, अतिवृष्टीमुळं झालेल्या नुकसानीची पाहणीसाठीही ते तीन दिवस दौऱ्यावर होते.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here