डोंबिवलीत लोकलमधून पडून तरुण जखमी

कल्याणः डोंबिवलीमध्ये लोकलमधून एक तरुण गंभीर जखमी झाल्याची घटना घडलीय. ही घटना सकाळी पावणे दहाच्या सुमारास घडली. या घटनेत विशाल पांडरंग गुरव हा तरुण जखमी झाला आहे.

डोंबिवलीच्या आझदे गावातील विशाल गुरव हा ३१ वर्षीय तरुण सकाळी ९.४० च्या सुमाराला धावत्या लोकलमधून खाली पडला. डोंबिवलीजवळच्या 47/25 या खांबाजवळ तो पडला. यात तो गंभीर जखमी झाला. त्याला तात्काळ शास्त्री नगर रुग्णालयात दाखल करण्यात आलं. विशालने जखमी असताना फोन करून भावाला कळवलं. त्याच्यावर सध्या उपचार सुरू आहेत.