नशेत धुंद असलेला ३० वर्षीय तरुण थेट ओएचईला आधार देणाऱ्या खांबावर चढल्याचा धक्कादायक प्रकार रविवारी सायंकाळी घडला. शाकीर सलीम कुरेशी असे त्याचे नाव असून विजेचा धक्का लागून झालेल्या अपघातात तो जखमी झाला आहे.
सॅन्डहर्स्ट रोडजवळ वाडीबंदर येथे उतरणाऱ्या पुलालगत रेल्वेला विद्युत पुरवठा करणाऱ्या ओव्हर हेड वायर आहेत. त्याला आधार देण्यासाठी उभारले आहेत. रविवारी सायंकाळी सहा वाजण्याच्या सुमारास हा तरुण नशेत खांबावर चढला. लोकलसेवा सुरू असल्याने ओएचईमधून उच्च दाबाने विद्युत प्रवाह सुरू होता. रूळांच्या बरोबर वर असलेल्या खांबावर हा तरुण लटकत होता. यावेळी त्याच्या पायाचा स्पर्श ओएचईला झाल्याने शॉट सर्किट झाले. त्यामुळे विजेचा धक्का बसून तो तरुण रुळांवर पडला.
या घटनेची माहिती मिळताच सुरक्षा जवान आणि रेल्वे पोलिस घटनास्थळी पोहचले. रेल्वे पोलिसांनी तातडीने त्याला जे. जे. रुग्णालयात दाखल केले. कुरेशी हा असून नशेत तो खांबावर चढल्याची प्राथमिक माहिती छत्रपती शिवाजी महाराज टर्मिनसचे वरिष्ठ पोलिस निरीक्षक हेमंत बावधनकर यांनी दिली.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
