मुंबईः करोनाचा संसर्ग रोखण्यासाठी राज्यात लॉकडाऊनची घोषणा करण्यात आली होती. राज्यात लॉकडाऊन लागू झाल्यापासून मुंबई लोकलही सर्वसामान्यांसाठी बंद आहे. लॉकाऊनचे निर्बंध शिथील होत असताना मुंबई लोकलही सर्वसामान्यांसाठी पुन्हा सुरु करण्याची मागणी होत आहे. या पार्श्वभूमीवर सरकारने लोकलबाबत महत्त्वाचा निर्णय घेतला असल्याचं बोललं जात आहे.

सध्या लोकलमधून महिला, वकील आणि खासगी सुरक्षा रक्षकांना प्रवास करण्याची मुभा आहे. लवकरच सर्वसामान्य नागरिकांनाही प्रवास करण्याची परवानगी मिळणार असल्याचे संकेत, मदत व पुनर्वसन मंत्री विजय वडेट्टीवार यांनी दिले आहे. ट्विटरवर एका प्रवाशांनी केलेल्या ट्विटला उत्तर देतानं त्यांनी म्हटलं आहे.

‘याआधी महिलांना लोकलनं प्रवास करण्याची परवानगी देण्यात आली आहे, आता वकिलांनीही देण्यात आली. व्यावसायिक, कर्मचारी आणि सर्वसामान्यांना का नाही? दिवाळी सारख्या सणासुदीच्या काळात प्रवास नाकारणं अन्याय आहे,’ असं ट्विट एका युझरनं केलं होतं. तसंच, मुख्यमंत्री आणि मुख्यमंत्र्यांच्या कार्यालयालाही टॅग केलं आहे. या युझरच्या ट्विटला मंत्री विजय वडेट्टीवार यांनी उत्तर दिलं आहे.

‘पुढील काही दिवसांत सर्वांसाठी लोकल सुरु करण्याचा निर्णय घेऊ, यासंबंधी चर्चा झाली आहे. मुंबईकरांना लवकरच दिलासा मिळेलं,’ असं उत्तर त्यांनी दिलं आहे.

दरम्यान, मुंबईतील दळणवळणाचे मुख्य साधन असलेल्या बेस्ट बसमधून आता पूर्ण क्षमतेनं प्रवासी वाहतूक करण्यास परवानगी दिली आहे. मात्र, करोना संसर्गाच्या अनुषंगानं काही बंधने घातली आहेत. बेस्ट बसेसमधून पूर्ण क्षमतेने प्रवासी वाहतूक होणार असल्याने या कर्मचाऱ्यांची प्रवास कोंडी मोठ्या प्रमाणात दूर होण्यास मदत होणार आहे. सरकारच्या या निर्णयाचे प्रवाशांकडून स्वागत होत आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here