मुंबईः कांदाप्रश्नी राज्य सरकारकडून फार अपेक्षा करू नये, केंद्र सरकारच्या धोरणात्मक निर्णयानं हा प्रश्न सुटू शकतो, असं वक्तव्य राष्ट्रवादी काँग्रेसचे अध्यक्ष यांनी केलं आहे. पवार सध्या नाशिक दौऱ्यावर असून कांद्याबाबत केंद्रानं घेतलेल्या निर्णयावरून व्यापारी व शेतकऱ्यांशी चर्चा केली आहे.

‘राज्य सरकारपेक्षा केंद्र सरकारच्या माध्यमातून हा प्रश्न सुटू शकतो. राज्य सरकारसोबत चर्चा करून काही उपयोग होणार नाही. कांदा निर्यात, आयात हे सर्व निर्णय केंद्र पातळीवर होत असतात,’ असं शरद पवार यांनी म्हटलं आहे. त्याशिवाय, या संदर्भात केंद्र सरकारसोबत चर्चा करणार असून आजच केंद्राकडे वेळ मागणार आहे. शेतकरी आणि व्यापारी यांचं शिष्टमंडळ घेऊन दिल्लीला जाऊ व केंद्रासोबत चर्चा करून धोरण ठरवण्यासाठी आग्रह धरू,’ असं ठाम अश्वासन शरद पवार यांनी शेतकऱ्यांना दिलं आहे.

‘धाडी, आयात, निर्यात हे सर्व निर्णय केंद्र सरकारच्या अधिकारात येते. राज्याचा त्याच्याशी काहीही संबंध नाही. कांद्याचा थोडा भाव वाढला की इन्कम टॅक्सवाल्यांचा काही गोष्टी एकू येतात, मार्केट चालू ठेवा, बाजार बंद करू नका, शेतकऱ्यांचं जास्त नुकसान होऊ देऊ नका,’ असा सल्ला पवारांनी उप्तादकांना दिला आहे.

दरम्यान, सध्या जिल्ह्यात कांदा आंदोलनाने जोर पकडला असून कांद्याबाबत केंद्र सरकारने घेतलेल्या निर्णयावरून व्यापारी आक्रमक झाले आहेत. व्यापाऱ्यांनी लिलाव बंद केल्याने शेतकऱ्यांची कोंडी झाली आहे. अवकाळी पावसातून शेतकरी सावरत असताना, व्यापाऱ्यांनी लिलाव बंद केल्याने शेतकरी त्रस्त झाले आहेत. शेतकऱ्यांनी आणि शेतकरी संघटनांनी आंदोलनाचा इशारा दिला आहे. त्यापार्श्वभूमीवर पवारांनी आज नाशिकला भेट दिली होती.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here