कोल्हापूर: अध्यक्ष यांनी वाट लावली आहे, ते घटना गुंडाळून ठेऊन कारभार करत आहेत, चोरी, फसवणुकीचे अनेक पुरावे देऊनही कारवाई करण्यास टाळाटाळ करत आहेत असा आरोप उपाध्यक्ष व माजी अध्यक्ष यांनी पत्रकार बैठकीत केला. पंधरा दिवसात कारवाई न केल्यास राज्यभर आंदोलन करण्याचा इशाराही त्यांनी दिला. ( and criticizes )

वाचा:

यमकर यांनी सांगितले की, विद्यमान अध्यक्षांचा सध्या मनमानी कारभार सुरू आहे. संचालक मंडळाला ते विचारतच नाहीत. संचालकांची बैठक घेत नाहीत. करोना संसर्गाचे कारण सांगत बैठक टाळतात, स्वत: मात्र राज्यभर फिरतात. त्याचा खर्च महामंडळाकडून घेतात. त्यांना जे वाटते, तेच ते करतात. त्यासाठी महामंडळाचा वापर करतात. आमदार होण्यासाठी त्यांनी महामंडळ दुसऱ्या संघटनेला दावणीला बांधले आहे. कलामंडळाच्या नेतृत्वाखाली चित्रपट महामंडळाने काम करणे म्हणजे हा फार मोठा विनोद आहे. चित्रपट महामंडळ ही शिखर संस्था आहे, अशा शिखर संस्थेने नोंदणी नसलेल्या मंडळाचा सदस्य म्हणून काम करणे पूर्णपणे चुकीचे आहे. भोसले आमदार होण्यास आमचा विरोध नाही, आमदारच काय त्यांनी खासदार, मंत्री व्हावे, पण त्यासाठी महामंडळाची त्यांनी वाट लाऊ नये अशी आमची अपेक्षा आहे.

वाचा:

साखर चोरावर कारवाई करण्यात अध्यक्षांकडून टाळाटाळ होत असल्याचे सांगताना यमकर म्हणाले, करोनाच्या काळात सभासदांना मदत म्हणून संजय घोडावत यांनी पाचशे किलो साखर व इतर काहींनी जीवनावश्यक वस्तू दिल्या होत्या. यातील दोनशे किलो साखर रवी गावडे, शरद चव्हाण या दोन संचालकांनी चोरली, तक्रार केल्यानंतर दुसरी साखर परत आणून दिली. याबाबत संबंधितांवर कारवाई करावी अशी मागणी केली, पण अध्यक्ष कारवाई करण्यास टाळाटाळ करत आहेत. मदत म्हणून जमा झालेल्या सव्वा लाख रकमेतील पंचवीस हजार रुपये जेवणावळीवर उडवले. अर्जुन नलवडे यांनी महामंडळाचा धनादेश चोरला, तो माझ्या खात्यावर भरला. याबाबत पोलिसांत गुन्हा दाखल झाला आहे. याचे पुरावे देऊनही अध्यक्ष त्याकडे दुर्लक्ष करत आहेत.

वाचा:

माजी अध्यक्ष व विद्यमान संचालक विजय पाटकर म्हणाले, महामंडळात सध्या भयंकर वाईट अवस्था निर्माण झाली आहे. उपाध्यक्षच अध्यक्षांवर थेट आरोप करत आहेत. तरीही अध्यक्ष कारवाई करण्याकडे दुर्लक्ष करत आहेत. त्यांचा सध्या मनमानी कारभार सुरू आहे. महामंडळाची घटना गुंडाळून ठेवत त्यांनी अनेक निवडी केल्या. महामंडळाची सर्वाधिक मानहानी त्यांच्या काळात होत आहे. त्यांनी सिनेमासाठी पाच वर्षात काहीही केले नाही असा, आरोपही पाटकर यांनी केला.
यावेळी सतीश रणदिवे यांनी देखील अध्यक्षांवर अनेक आरोप केले. मिलींद अष्टेकर, अरुण चोपदार यावेळी उपस्थित होते.

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here