म. टा. खास प्रतिनिधी, : केवळ चेष्टा मस्करीतून निर्माण झालेल्या वादातून तरुणाची हत्या करण्यात आल्याची धक्कादायक घटना येथे शनिवारी घडली. शाहीद ऊर्फ बकत (२५) असे मृत तरुणाचे नाव आहे. माहीम पोलिस ठाण्यात आरोपी विरोधात हत्येचा गुन्हा दाखल करण्यात आला आहे.
माहीमच्या वांजा वाडी परिसरातील पटेल बिल्डींगजवळ शाहीद आणि त्याचे मित्र शनिवारी पहाटेच्या सुमारास गप्पा मारत होते. गप्पा मारत असतानाच एकमेकांची चेष्टा मस्करी करण्यास सुरुवात केली. नदीम शेख आणि शाहिद यांच्यामध्ये याच चेष्टामस्करीवरून जोरदार भांडण झाले. दोघांमधील वाद इतका विकोपाला गेला की, दोघांमध्ये हाणामारी झाली. मित्रांनी त्यांना थांबविण्याचा प्रयत्न केला मात्र नदीम याने रागाच्या भरात रस्त्यावरील मोठा दगड शाहीद याच्या डोक्यात घातला. तो इतक्यावरच थांबला नाही तर त्याने चाकूही शाहीद याच्या पोटात खुपसला. यामध्ये शाहीद याचा जागीच मृत्यू झाला.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
