नवी दिल्ली: ( ) राष्ट्रीय जनता दलाचे प्रमुख लालू प्रसाद यादव ( ) यांनी पंतप्रधान नरेंद्र मोदी ( ) यांच्यावर हल्ला चढवला आहे. पंतप्रधान नरेंद्र मोदींच्या ‘डबल इंजिन’ च्या घोषणांवर लालू प्रसाद यादव यांनी रविवारी हल्ला चढवला. भाजप- संयुक्त जनता दल (JDU) युती म्हणजे डबल इंजिन, अशी घोषणा पंतप्रधान मोदींनी केली होती. पण त्यावर लालू यादव यांनी टीका केली. हे डबल इंजिन नव्हे तर ट्रबल इंजिन आहे, असं म्हणत लालूंनी पंतप्रधान मोदी आणि नितीशकुमारांवर हल्ला केला.

लालू प्रसाद यादव यांनी यासंदर्भात ट्विट केलंय. ‘हे डबल इंजिन नाही ट्रबल इंजिन आहे, असं म्हणत त्यांनी भाजप आणि जेडीयू सरकारवर जोरदार टीका केली. लॉकडाउन दरम्यान अडकलेल्या मजुरांना परत आणण्यावेळी हे डबल इंजिन कुठे होतं’, असा सवाल लालूंनी केला.

लालू यादव यांचा बालेकिल्ला समजल्या जाणाऱ्या छपरा येथे पंतप्रधान मोदींनी रविवारी प्रचारसभा घेतली. एनडीएचे डबल इंजिन सरकार विकासासाठी कटिबद्ध आहे. पण ‘डबल-डबल युवराज’ हे केवळ त्यांच्या संबंधित सिंहासनाचे रक्षण करण्यासाठी आहे’, अशी टीका मोदींनी राहुल गांधींसह तेजस्वी यादव यांच्यावर केली.

भ्रष्टाचाराच्या आरोपाखाली तुरूंगात असलेले आपले वडील लालू यादव यांना आपल्या वाढदिवशी ९ नोव्हेंबरला जामीन मिळेल आणि दुसर्‍या दिवशी १० नोव्हेंबरला मुख्यमंत्री नितीशकुमार यांच्या सरकारला निरोप असेल, असं तेजस्वी यादव म्हणाले. १० नोव्हेंबरला बिहार विधानसभा निवडणुकीचा निकाल लागणार आहे. १० तारखेला मतमोजणी होणार आहे.

९ ऑक्टोबरला झारखंड उच्च न्यायालयाने बिहारचे माजी मुख्यमंत्री असलेल्या लालू प्रसाद यादव यांना चारा घोटाळा प्रकरणातील चाईबासा कोषागारातून ७३३.६७ कोटी रुपयांच्या गैरव्यवहाराच्या खटल्यात जामीन मंजूर केला होता. पण दुसऱ्या एका खटल्याप्रकरणी ते शिक्षा भोगत आहेत.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here