उद्धल आणि माया हे मजुरी करतात. अतुलला दारूचे व्यसन होते. दारुच्या नशेत तो आई वडिलांना शिवीगाळ व मारहाण करीत असे. शनिवारी रात्री तो दारू पिऊन आला. त्याने परत आई वडिलांशी वाद घालण्यास सुरुवात केली. त्याने आईला विळी फेकून मारली तसेच दोघांनाही जिवे ठार मारण्याची धमकी दिली. अतुलच्या नेहमीच्या त्रासाला कंटाळलेल्या जन्मदात्यांनी अखेर त्याला गळा आवळला आणि त्याची जीवनयात्रा संपविली. आरोपींनी गुन्ह्याची कबुली दिली आहे. पोलिसांनी आरोपींवर गुन्हा दाखल करून त्यांना अटक केली आहे.
काकांना केली मारहाण
नागपूर : अंगणात सडा टाकत असताना पाणी उडल्याने झालेल्या वादातून काकाला मारहाण झाल्याची घटना समोर आली आहे. ही घटना केळवद पोलिस ठाण्याच्या हद्दीतील ढालगावखैरी या गावात २९ ऑक्टोबर रोजी सकाळी ११च्या सुमारास घडली. दिलीप धनराज पिंदुरकार (वय ४५) असे आरोपीचे, तर मंगेश बाबाराव पिदुरकार असे फिर्यादीचे नाव आहे. आरोपी दिलीप आणि पीडित बाबाराव हे नातेवाइक असून शेजारी आहेत. दिलीप त्याच्या घरात सडा टाकत असताना पाणी उडाल्याने बाबाराव आणि त्याच्यात वाद झाला. यावरून दिलीपने बाबाराव यांना लोखंडी दांड्याने मारहाण केली. बाबाराव यांचा मुलगा मंगेशने दिलेल्या तक्रारीच्या आधारावर पोलिसांनी गुन्हा दाखल केला आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
