सरकारकडून प्रत्येक जिल्ह्यात जिल्हा विकास परिषद स्थापन करण्यासाठी ऑक्टोबरमध्ये जम्मू-काश्मीर पंचायत राज कायद्यात सुधारणा करण्यात आली होती. यामध्ये आता थेट निवडून आलेले सदस्य असतील.
राज्य निवडणूक आयुक्त के.के. शर्मा यांनी दिलेल्या माहितीनुसार, पंचायत आणि नगरपालिका रिक्त झालेल्या जागांसाठी पोटनिवडणूक एकाच वेळी घेण्यात येणार आहेत. २८ नोव्हेंबर रोजी पहिल्या टप्प्यातील निवडणुकीची अधिसूचना गुरुवारी जारी केली जाईल.
तर, आठ टप्प्यांतील या निवडणुकीचा शेवटचा टप्पा १० डिसेंबर रोजी पार पडेल. त्यानंतर २२ डिसेंबर रोजी मतमोजणी होणार आहे.
वाचा : वाचा :
यात जम्मू मधील १० तर काश्मीर मधील १० जागांचा समावेश आहे. जिल्हा विकास परिषदेत १४ मतदारसंघ असतील. डीडीसी आणि पंचायत पोटनिवडणुकीसाठी मतपत्रिकेद्वारे मतदान होणार आहे. तर नगरपालिका पोटनिवडणुकीसाठी इलेक्ट्रॉनिक मतदान यंत्राद्वारे (ईव्हीएम) पार पडेल. जिल्हा विकास परिषद निवडणुका पक्षाच्या चिन्हावर होणार आहेत मात्र पोटनिवडणुकीत पक्षाच्या चिन्हांचा वापर होणार नाही.
पश्चिम पाकिस्तानी शरणार्थी, वाल्मिकी आणि गोरखा या निवडणुकीत पहिल्यांदात आपल्या मताधिकाराचा वापर करणार आहेत. काश्मीरमधील प्रमुख पक्षांनी मात्र अद्याप या निवडणुकीत सहभाग घेणार की नाही? याबद्दल कोणतीही घोषणा केलेली नाही.
राज्यात रिक्त असलेल्या सरपंच व पंचायत जागांसाठीही निवडणुका याच वेळी पार पडतील, अशी माहिती के.के. शर्मा यांनी दिलीय. इलेक्ट्रॉनिक मतदान यंत्रांद्वारे (ईव्हीएम) होणाऱ्या या मतदानात कोविड १९ रुग्ण, ज्येष्ठ नागरिक आणि अपंग रुग्णांना टपाल मतपत्रिकेद्वारे मतदानाची सुविधा देण्यात येणार आहे.
वाचा : वाचा :
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
