दोघा आरोपींना तीन नोव्हेंबर रोजी पोलिसांनी अटक केली होती. तर न्यायालयाने त्यांना आजपर्यंत पोलिस कोठडी सुनावली होती. या प्रकरणात कृष्णा श्यामराव शेळके (३५, रा. आसेगाव, दौलताबाद) याची पत्नी वंदना शेळके (वय ३०) हिने फिर्याद दिली. त्यानुसार मृत कृष्णा हा शेतीचा व्यवसाय करतो. त्याला दारूचे व्यसन होते. दारूच्या नशेत तो पत्नी आणि मुलांना मारहाण करायचा. त्यावरुन सोमवारी दुपारी तीनच्या सुमारास आई तुळसाबाई आणि तिचा नातेवाईक पंढरीनाथ यांनी कृष्णाला लाठ्या-काठ्यांनी मारहाण केली. त्यानंतर त्याला जखमी अवस्थेत सोडून दोघेही निघून गेले. सायंकाळी शेतातून कृष्णाचे कुटुंबीय घरी परतले. त्यानंतर रात्री दहाच्या सुमारास ही घटना उघडकीस आली. या प्रकरणात दौलताबाद पोलिस ठाण्यात गुन्हा दाखल करण्यात आला आहे.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
