उद्योजक पाषाणकर हे बेपत्ता झाल्यानंतर त्यांचा शोध घेण्यासाठी पोलिसांकडून पथके तयार करण्यात आली आहेत. तपास योग्य दिशेने सुरू आहे. या प्रकरणी पोलिसांना काही धागेदोरे मिळाले आहेत. लवकरच पाषाणकर बेपत्ता होण्यामागचे गूढ उकलण्याची शक्यता आहे, अशी माहिती पोलीस आयुक्तांनी दिली. पाषाणकर यांच्याबाबत ठोस माहिती पोलिसांना मिळाली आहे, असे सांगण्यात येत आहे.
पाषाणकर बेपत्ता होऊन दोन आठवडे उलटले आहेत. त्यांच्या शोधासाठी पोलीस पथके ठिकठिकाणी रवाना करण्यात आली होती. त्यांचा तपास सुरू असल्याचे पोलिसांकडून सांगण्यात येत होते. दोन आठवड्यांनंतर पोलिसांना या तपासात काही प्रमाणात यश आले आहे, असे दिसते. पाषाणकर बेपत्ता प्रकरणाचा तपास करत असतानाच, पोलिसांच्या हाती महत्वाचे धागेदोरे सापडले आहेत. त्यामुळे पाषाणकर बेपत्ता होण्यामागील गूढ लवकरच उलगडण्याची शक्यता व्यक्त केली जात आहे.
पाषाणकर यांच्या शोधासाठी पोलीस पथके कोकणात
पुण्यातील प्रख्यात उद्योजक पाषाणकर हे बेपत्ता झाल्यानंतर पोलिसांनी तात्काळ तपास सुरू केला. काही दिवसांपूर्वी पाषाणकर हे कोल्हापुरातील एका हॉटेलात वास्तव्यास असल्याची माहिती तपासात उघड झाली होती. त्यानंतर ते कोकणात असल्याची माहिती पोलिसांना मिळाली. त्यांच्या शोधासाठी आता पोलिसांची पथके ही कोकणात रवाना झाली आहेत.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
