आबुधाबी: आजच्या महत्वाच्या सामन्यात दिल्ली कॅपिटल्सचा सलामीवीर मार्कस स्टाइनिसला फक्त तीन धावांवर असताना जीवदान मिळाले. पण या जीवदानानंतर मार्कसने हैदराबादच्या गोलंदाजांची नेमकी कशी धुलाई केली, पाहा…

दिल्लीचा सलामीवीर मार्कस स्टॉइनिसला यावेळी तिसऱ्या षटकात जीवदान मिळाल्याचे पाहायला मिळाले. संदीप शर्माच्या या षटकातील तिसऱ्या चेंडूवर जेसन होल्डरने मार्कसचा झेल सोडला. यावेळी मार्कस फक्त तीन धावांवर होता. या जीवदानाचा चांगलाच फायदा मार्कसने यावेळी उचचल्याचा पाहायला मिळाले. कारण जीवदान मिळाल्यावर मार्कसकडून तुफानी फलंदाजी पाहायला मिळाली.

मार्कसला तिसऱ्या षटकाच्या तिसऱ्या चेंडूवर जीवदान मिळाले. त्यांनंतर मार्कसने याच षटकाच्या चौथ्या आणि पाचव्या षटकावर धडाकेबाज दोन चौकार लगावल्याचे पाहायला मिळाले. या दोन चौकारांनंतर मार्कस अधिकच आक्रमक फलंदाजी करत असल्याचे पाहायला मिळाले. मार्कसचा झेल यावेळी होल्डरने सोडला होता. पण त्यानंतरच्या होल्डरच्या षटकात मार्कसने त्याचा चांगलाच समाचार घेतला.

मार्कसने होल्डरच्या चौथ्या षटकातील पहिल्याच चेंडूवर चौकार लगावला. हा चौकार लगावून मार्कस थांबला नाही. पण त्यानंतर तिसऱ्या चेंडूवरही मार्कसने चौकार वसूल केला. या चौथ्या षटकाच्या पाचव्या चेंडूवर मार्कसने चांगलाच षटकार खेचला. त्यानंतर या षटकाच्या अखेरच्या चेंडूवर मार्कसने चौकार लगावला. या चौथ्या षटकात मार्कसने तब्बल १८ धावांची लूट केल्याचे पाहायला मिळाले. या षटकानंतर दिल्लीच्या संघाची धावगती ही जवळपास १० धावांची झाली होती. त्यामुळे मार्कसला मिळालेले जीवदान हे हैदराबादसाठी धोकादायक ठरल्याचे पाहायला मिळाले.

या जीवदानाचा चांगलाच फायदा मार्कसने यावेळी उठवला आणि संघाला धडाकेबाज सुरुवात करून दिली. पृथ्वी शॉ याला या सामन्यात वगळण्यात आले. त्यामुळे मार्कसला यावेळी शिखर धवनबरोबर सलामीला पाठवण्यात आले. मार्कसने या संधीचे सोने केलेले पाहायला मिळत आहे. त्यामुळे जर हा आजचा सामना दिल्लीने जिंकला तर नक्कीच यापुढे सलामीची जबाबदारी मार्कसवरच ठेवण्यात येऊ शकते. पण त्यामुळे पृथ्वीला दिल्लीच्या संघात स्थान मिळवणे कठीण होऊन बसू शकते.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here