म. टा. प्रतिनिधी, : येरवडा येथील तात्पुरत्या कारागृहात कैद्यांमध्ये हाणामारीची घटना घडली आहे. चोरी कशी केली हे सांगितले नाही म्हणून, एका कैद्याने अन्य एका कैद्याला बेदम मारहाण केली. या प्रकरणी येरवडा पोलीस ठाण्यात गुन्हा दाखल करण्यात आला आहे. याबाबत सत्वशील पाटील या कर्मचाऱ्याने तक्रार दिली आहे. यामध्ये सोहेल शेख हा न्यायालयीन कैदी जखमी झाला आहे.
पोलिसांनी दिलेल्या माहितीनुसार, करोनाच्या पार्श्वभूमीवर येरवडा येथे तात्पुरते कारागृह तयार करण्यात आले आहे. अटक केल्यानंतर न्यायालयीन कोठडी सुनावलेल्या कैद्यांना या तात्पुरत्या कारागृहात ठेवण्यात येते. आरोपी व शेख यांना देखील याच कारागृहात ठेवण्यात आले होते. त्यावेळी आरोपीने शेख याला ‘तू चोरी कशी केली?’ अशी विचारणा केली. त्यावर शेख याने त्याला सांगितले. त्याने पुन्हा विचारणा केल्यावर सांगितले नाही. त्यामुळे आरोपीने शेख याच्या डोक्यात थाळी घालून जखमी केले. या प्रकरणी येरवडा पोलीस अधिक तपास करत आहेत.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
