सौरभ भगत (वय २१, रा. मोरे वस्ती, सहकारनगर), अजय प्रजापती (२०, रा. सुखसागरनगर, कोंढवा) अशी अटक केलेल्या दोघांची नावे आहेत. या घटनेत सूरज कामथे (२९, रा. धनकवडी) असे जखमीचे नाव आहे. त्यांनी दिलेल्या तक्रारीवरून बिबवेवाडी पोलिसांनी दोघांना अटक केली आहे. पोलिसांनी दिलेल्या माहितीनुसार, आरोपी व तक्रारदार ओळखीचे आहेत. तक्रारदार यांनी त्यांचे सिमकार्ड आरोपीला वापरण्यासाठी दिले होते.
आरोपीने ते सिमकार्ड वापरून तक्रारदारांना परत दिले. त्यानंतर तक्रारदारांना पुणे ग्रामीणमधील राजगड पोलिसांचा फोन आला. त्यांच्या नावाचे सिमकार्ड टाकलेला मोबाइल चोरीला असल्याचे सांगून तो पोलिस ठाण्यात आणून जमा करण्याची सूचना पोलिसांनी त्यांना केली. याबाबत विचारणेसाठी कामथे आरोपीच्या घरी गेल्यावर त्याचा राग मनात धरून आरोपीने चाकूने कामथेंना जीवे मारण्याचा प्रयत्न केला. या प्रकरणी तक्रारदारांनी पोलिसांकडे उपचार घेऊन तक्रार दिल्यानंतर गुन्हा दाखल करण्यात आला. या प्रकरणी सहायक निरीक्षक के. बी. पावसे अधिक तपास करत आहेत.
नागरिकांवरही केले वार
मोबाइल पोलिसांत जमा करण्याचे सांगितल्याबाबत विचारणा करण्यासाठी तक्रारदार कामथे आरोपीच्या घरी गेले. विचारणा केल्याचा राग मनात धरून आरोपीने चाकूने मानेजवळ, पाठीवर, छातीवर वार करून त्यांना जीवे मारण्याचा प्रयत्न केला. त्या वेळी शेजारचे नागरिक मध्ये आले, तेव्हा त्यांच्यावरही चाकू उगारून त्या भागात दहशत निर्माण केली. रस्त्यावरील गोंधळामुळे नागरिकांनी भीतीने दुकाने बंद केली.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
